कोरोनाबाट नेपालमा ४१ औं मृत्यु

Best Khabar Team | २०७७ श्रावण ७ गते बुधबार

२२ जुलाई, २०२०
धरान, सुनसरी । नेपालमा कोरोनाबाट थप एकजनाको मृत्यु भएको छ । महोत्तरीमा एक पुरुषको हिजो साँझ कोरोनाबाट ज्यान गएसँगै नेपालमा कोरोनाबाट मृत्यु हुनेको ो संख्या ४१ पुगेको छ । महोत्तरीको मडहीका ६४ वर्षका एक पुरुषको उपचारका क्रममा धरानमा रहेको वीपी कोइराला स्वास्थ्य विज्ञान प्रतिष्ठानमा मृत्यु भएको अस्पतालले जनाएको छ ।

**धरानस्थित बीपी कोइराला स्वास्थ्य विज्ञान प्रतिष्ठान ।**

उनी सरकारी कर्मचारी समेत रहेको र केहीसमयदेखि अस्वस्थ रहेपछि घरमै बस्दै आएका थिए । सुरुमा सामान्य रुघाखोकी देखिएपनि पछि त्यसले च्याप्दै लगेपछि उनलाई प्रतिष्ठानमा पु-याइएको थियो । करिब २ साता अघि अस्पतालमा भर्ना भएका उनको उपचारका क्रममा हिजो दिउँसो ज्यान गएको थियो ।

उनको हिजो नै मृत्यु भएको र आज बिहान स्वाब परीक्षणको रिपोर्ट पनि पोजेटिभ आएको अस्पतालको भनाई छ । नेपाली सेनाले स्थानीय खोला छेउमा उनको शवको व्यवस्थापन समेत गरिसकेको छ ।