प्यूठान दुर्घटना : रोल्पाका ७ मजदुरको ज्यान गयो

Best Khabar Team | २०७७ श्रावण ४ गते आइतबार

१९ जुलाई, २०२०
स्वर्गद्वारी, प्यूठान । प्यूठानमा गएराति भएको ट्याक्टर दुर्घटनामा मृत्यु हुनेको संख्या ७ पुगेको छ । सडक कालोपत्रे गर्ने मजदुरहरुलाई लिएर स्थानीय भिंगृ जाँदै गरेको सो ट्याक्टर स्थानीय रुमले भन्ने ठाउँमा दुर्घटनामा परेको थियो ।

दुर्घटनामा यसअघि ६ जनाले ज्यान गुमाएको बताइएपनि हालसम्म ७ जनाको ज्यान गएको घटनास्थलमा खटिएको प्रहरीले जनाएको छ । अहिले घटनास्थलमा प्रहरी र स्थानीय वासिन्दाले घाइतेहरुको उद्दार तथा मृतकको शव संकलनको काम तीब्रताका साथ गरिरहेका छन् । मृतक सबै रोल्पा जिल्लाका स्थानीय भएको प्रहरीको भनाई छ ।

कच्ची सडक खण्डमा तीब्र गतिमा रहेको टयाक्टरले नियन्त्रण गुमाउँदा दुर्घटना भएको प्रहरीको भनाई छ ।

मृतक सबैको सनाखत भै सकेको छ ।

मृतकहरु
रोल्पाको रुन्टीगढी गाउँपलिका ५ वाइजाका
सागर बस्नेत
रीमबहादुर बस्नेत
बिरेन्द्र बाठा मगर
थमन बाठामगर
गोर्बधन बुढामगर
कविराम बस्नेत

त्रिवेणी गाउँपालिकाका
ट्रयाक्टर चालक कमल कुँवर

स्थानीय स्वर्गद्वारी नगरपालिकाको धरमपानीबाट भिंगृ जाँदै गरेको बेला सो ट्रक दुर्घटनामा परेको थियो । सो दुर्घटनामा केही मजदुर घाइते भएको र उनीहरुको स्थानीय स्वास्थ्यचौकीमा उपचार भै रहेको बताइएको छ । लु २ त ४२३४ नम्बरको ट्याक्टर स्थानीय ओसिस कन्सट्रक्सन निर्माण कम्पनीले ठेक्का लिएको सडक निर्माण गर्ने मजदुर बोकेर कार्यक्षेत्रबाट घर फर्कँदै गरेको बताइएको छ ।

Comment from facebook