४ महिनापछि दर्शनार्थीका लागि भगवान् पशुपतिनाथको मन्दिर खुल्ला गर्ने तयारी

Best Khabar Team | २०२६ पुष १७ गते बिहिबार


१८ जुलाई, २०२०
काठमाडौं । हिन्दुहरुको आराध्यदेव भगवान श्री पशुपतिनाथको मन्दिर भक्तजन तथा दर्शनार्थीका लागि पुनः खोल्ने (सञ्चालनमा ल्याउने) तयारी शुरु भएको छ । कोरोना भाइरस (कोभिड १९) को संक्रमणलाई मध्यनजर गर्दै सरकारले गएको चैत्र ५ गतेदेखि देशव्यापी लकडाउन शुरु गरेसँगै पशुपतिनाथको मन्दिर पनि दर्शनार्थीका लागि बन्द गरिएको थियो ।

यद्यपि मन्दिरमा नियमित पुजा एवं आरती भने हुँदै आएको थियो । सरकारले घोषणा गरेको लकडाउनको आंशिक रुपमा खुकुलो भएपनि साउन सात गतेपछि थप लकडाउन खुकुलो बनाउने तयारीमा सरकार जुटेसँगै पशुपति क्षेत्र विकास कोषले निश्चित मापदण्ड बनाएर साउन ७ गतेपछि पशुपतिनाथको मन्दिर दर्शनार्थी भक्तजनहरुका लागि खोल्ने तयारी गरेको हो ।

साउन महिना भगवान शिवको प्रिय महिना भएको र भक्तजनहरुले पनि साउनमा पशुपतिनाथको दर्शन गर्ने उत्कट इच्छा राख्ने हुनाले विश्व स्वास्थ्य संगठनले तोकेको मापदण्ड अनुसार सामाजिक दुरी कायम राख्दै र माक्स तथा पञ्जा अनिवार्य गरेर दर्शन गर्ने व्यवस्था गर्न लागिएको कोषको भनाई छ । मन्दिर सञ्चालनमा आएपनि भक्तजनहरुले भगवानका लागि कुनैपनि फूलप्रसाद मन्दिरमा चढाउन पाउने छैनन् । उनीहरुले दीप तथा अगरबत्ती पनि तोकिएको ठाउँमा मात्रै बाल्न पाउने छन् ।

यस्तै मन्दिर प्रवेश गर्दा पनि कम्तीमा ६ फिटको सामाजिक दूरी कायम गर्दै मुखमा माक्स र हातमा पञ्जा अनिवार्य गरिएको छ । मन्दिरको प्रवेशद्वारमा तापक्रम नाप्ने व्यवस्था समेत गरिएको बताइएको छ । विश्वभरका हिन्दु धर्मावलम्बी तथा धार्मिक पर्यटनमा रुची राख्नेहरुको लागि भगवान पशुपतिनाथको मन्दिर अत्यन्तै महत्वपूर्ण मानिएको छ ।

हरेक वर्ष पशुपतिनाथको मन्दिर हेर्न तथा दर्शन गर्नका लागि लाखौं हिन्दु धर्मावलम्बीहरु नेपाल आउने गरेका छन् । काठमाडौंको गौशालामा रहेको भगवान शिवको मन्दिर स्वदेशी हिन्दुहरुको लागि पनि महत्वपूर्ण गन्तव्यको रुपमा रहिआएको छ ।



Comment from facebook



थप खबर पढ्नुहोस्
काठमाडौंमा पक्राउ परेका चिनियाँ नागरिकबाट करोडौं मूल्यबराबरको विद्युतीय सामग्री बरामद, मोबाइलमात्रै ७ सय ४७ थान काठमाडौंमा पक्राउ परेका चिनियाँ नागरिकबाट करोडौं मूल्यबराबरको विद्युतीय सामग्री बरामद, मोबाइलमात्रै ७ सय ४७ थान

२०२६ पुष १७ गते बिहिबार

२६ डिसेम्बर, २०१९ काठमाडौं । सामान्यतयाः एकजना व्यक्तिले कतिवटा...

महानगरभित्रकै नदीको यो कुरुप दृश्य : जहाँ पानी भन्दा फोहोर धेरै बग्दछ महानगरभित्रकै नदीको यो कुरुप दृश्य : जहाँ पानी भन्दा फोहोर धेरै बग्दछ

२०७६ पुष १६ गते बुधबार

शब्द तथा तस्वीर : पि.एल. तरंग कुनै जमना थियो,...

थपिए ३ कोरोना संक्रमित, भोजपुरमा पनि भेटिए नयाँ विरामी थपिए ३ कोरोना संक्रमित, भोजपुरमा पनि भेटिए नयाँ विरामी

२०२६ पुष १७ गते बिहिबार

२२ अप्रिल, २०२०काठमाडौं । नेपालमा कोरोना संक्रमितको संख्या ४८...

Top