लमजुङ्मा २२ सहित थप १०१ जनामा कोरोना संक्रमण, मृतकको संख्या ४० पुग्यो

Best Khabar Team | २०२६ पुष १७ गते बिहिबार

१७ जुलाई, २०२०
काठमाडौं । लमजुङ्गमा पछिल्लो २४ घण्टामा थप २२ जना नयाँ कोरोना संक्रमित भेटिएका छन् । स्वास्थ्य तथा जनसंख्या मन्त्रालयले आज काठमाडौंमा गरेको नियमित पत्रकार सम्मेलनमा दिइएको जानकारी अनुसार पोखरामा गरिएको परीक्षणमा लमजुङ्गका २२ जनामा कोरोना संक्रमण पुष्टि भएको हो ।

जिल्लाको मर्साङ्दी गाउँपालिकामा ८ जना, दोर्दीमा ४ जना, राइनासमा ६ जना, दूधपोखरीमा एकजना, बेसीशहरमा १ जना र क्लोलासोथाका २ जना रहेका छन् । उनीहरु सबैलाई जिल्ला अस्पताल बेसीशहरमा रहेको आइसोलेसनमा राखेर उपचार भै रहेको छ । जसमा एकजना नवजात शिशुसमेत रहेको बताइएको छ । यस्तै देशका अन्य जिल्लामा पनि कोरोना भाइरसका नयाँ संक्रमित भेटिएका छन् ।

यो सँगै देशभर कोरोना संक्रमितको १७ हजार ४ सय ४५ पुगेको छ भने ११ हजार ५ सय ३४ जना भाइरस मुक्त भएर घर फर्केका छन् । यसैबीच धरानमा उपचारका क्रममा एक ७३ वर्षका बृद्दको ज्यान गएको छ । राजविराज स्थायी घर भएका उनी विगत केही सातादेखि धरानस्थित विपी कोइराला स्वास्थ्य विज्ञान प्रतिष्ठानमा उपचाररत थिए ।

यो सँगै नेपालमा कोरोनाका कारण ज्यान गुमाउनेको संख्या ४० पुगेको छ ।