संखुवासभाको सिसुवामा भीषण पहिरो, ८ घर बगायो, ११ जना वेपत्ता

Best Khabar Team | २०७७ मंशिर २२ गते सोमबार

१२ जुलाई, २०२०
खाँदबारी, संखुवासभा । विगत केहीदिनयता परेको अविरल वर्षात्का कारण आएको पहिरोमा परी जिल्लाको सिसुवामा भीषण पहिरो गएको छ । पहिरोमा परी ८ वटा घरहरु बगाएको र हालसम्म ११ जना वेपत्ता रहेको बताइएको छ ।

जिल्लाको सिलिचोङ गाउँपालिकाको वडा नम्बर १ मा पर्ने सिसुवाखोला भन्ने स्थानमा आएको पहिरोमा परी स्थानीय बासिन्दाको ८ वटा घर बगाएको थियो । ४ जनालाई स्थानीयले जिवितै उद्दार गरेको भएपनि ११ जना अहिलेसम्म सम्पर्क बिहिन बनेको बताइएको छ । घटनास्थलमा निरन्तर रुपमा पानी परिरहेका कारण घाइते तथा हराईरहेकाहरुको उद्दारमा कठिनाई भएको छ । अहिले सिसुवा र ताम्कुबाट प्रहरी तथा स्थानीय वासिन्दा घटनास्थलतर्फ लागेका छन् ।

तर बर्षात्का कारण घटनास्थलसम्म पुग्ने सडकका दर्जनौं स्थानमा पहिरो गएका कारण उद्दारमा कठिनाई भएको बताइएको छ । डाँडा माथिबाट आएको पहिरोले स्थानीयका ८ वटा घरहरु, बस्तुभाउलगायत बगाएको छ ।