अमेरिकी प्रहरीले २० वर्षअघिको बलात्कार काण्डका नेपाली पक्राउ गरी नेपाल पठायो

Best Khabar Team | २०२६ पुष १७ गते बिहिबार

२४ अक्टोबर, २०१९
टेक्सास । पूर्वी नेपालको झापा जिल्लामा २० वर्षअघि एक युवतीको बलात्कार पछि विभत्स हत्याकाण्ड मच्चाउने मुख्य अभियुक्तलाई अमेरिकी प्रहरीले पक्राउ पश्चात् नेपाल प्रहरीलाई बुझाएको छ ।

नेपालमा अपराध गराएर अमेरिकामा लुकिछिपी बस्दै आएका झापा चन्द्रगढीका लिलाराज गौतमलाई नेपाल प्रहरीको अनुरोधमा अमेरिकी प्रहरीले पक्राउ गरेको हो । पक्राउलगत्तै नेपाल प्रहरीको जिम्मा लगाएका अभियुक्तलाई नेपाल प्रहरीले हिजो काठमाडौं ओर्लेलगत्तै नियन्त्रणमा लिएर कारबाही प्रक्रिया अघि बढाएको छ ।

टर्किस एयरको विमान हुँदै नेपाल पुगेका उनलाई विमानस्थलमा पुगेको नेपाल प्रहरीलको विशेष टोलीले नियन्त्रणमा लिएको हो । हत्याकाण्डका अभियुक्त गौतम विगत १० वर्षदेखि अमेरिकामा बस्दै आइरहेका थिए ।

नेपाल प्रहरीको आग्रहमा अमेरिकास्थित इन्टरपोल वाशिंटनले गौतमलाई २०१८ को फेब्रुअरी १३ मा पक्राउ गरेको गरी हिरासतमा राखेकोमा हिजो नेपाल पठाएको हो । गत सेप्टेम्बरमा उनलाई नेपाल पठाउन त्यहाँको अदालतले आदेश दिएको थियो ।

अभियुक्त गौतमसहित अरु २ जना मिली झापाको चन्द्रगढी ३ बस्ने सन्ध्या राजबंशीको २०५७ साल असोज २९ गते बलात्कार पछि घाँटी थिचेर हत्या गरेका थिए । हत्या पछि प्रहरीमा परेको उजुरीपछि अदालतमार्फत् मुद्दा अघि बढाइको थियो ।