कोरोनाबाट नेपालमा ३३ औं मृत्यु, कतारबाट फर्केका थिए गोर्खाका मृतक पुरुष

Best Khabar Team | २०७७ असार २० गते शनिबार

०४ जुलाई, २०२०
काठमाडौं । नेपालमा कारोना संक्रमणबाट थप १ जनाको मृत्यु भएको छ । गोर्खाको पालुङ्गटारका एक ४४ वर्षीय पुरुषको उपचारको क्रममा आज बिहान ज्यान गएको गोर्खा अस्पतालले जनाएको छ । गएराति मात्रै उनमा कोरोना भएको पुष्टि अस्पतालले गरेको थियो । योसँगै नेपालमा कोरोनाका कारण ज्यान गुमाउनेको संख्या ३३ पुगेको छ ।

केही समय अघि सरकारले गरेको उद्दार उडानमार्फत् उनी कतारको राजधानी दोहा हुँदै काठमाडौं आएका थिए । काठमाडौंबाट उनलाई जिल्ला अस्पताल पु¥याएर क्वारेन्टाइनमा राखिएको थियो । तर मधुमेह र निमोनियाको समस्या देखिएपछि उनलाई अस्पतालको आइसोलेसनमा राखेर उपचार थालिएको थियो । गएराति मात्रै उनमा कोरोना संक्रमण पुष्टि भएको थियो ।

उपचारको क्रममा उनको आज बिहान ५ बजेतिर ज्यान गएको जिल्ला अस्पतालले जनाएको छ । गोर्खामा कोरोना संक्रमणबाट मानिसको मृत्यु भएको यो पहिलो घटना हो । उनको मृत्युभएपछि शबको व्यवस्थापनको तयारी भै रहेको छ । घटनालगत्तै उनको उपचारमा संलग्न चिकित्सक तथा सम्पर्कमा रहेका अन्य व्यक्तिको पहिचान गरी परीक्षण अघि बढाईने अस्पतालले जनाएको छ ।

Comment from facebook