हवाई उडान र सीमा नाका पनि साउन ७ गतेसम्म बन्द गर्ने सरकारको निर्णय

Best Khabar Team | २०७७ असार १५ गते सोमबार

२९ जुन, २०२०
काठमाडौं । सरकारले विश्वव्यापी महामारीको रुपमा फैलिएको कोरोना भाइरसको संक्रमणलाई मध्यनजर गर्दै आगामी साउन ७ गतेसम्मका लागि हवाई उडान तथा सीमा नाका बन्द गर्ने निर्णय गरेको छ । नेपाल सरकार मन्त्रीपरिषद्को आज बसेको बैठकले कोरोनाको संक्रमण जारी रहेका कारण तत्काल सीमा नाका तथा हवाई उडानहरु रोक्ने निर्णय गरेको हो ।

तर सरकारको अनुमति लिएर भएका उडान तथा सरकारबाट विदेशमा रहेका नेपाली नागरिकको उद्दारका लागि गरिएका उडानहरु भने निर्वाध रुपमा सञ्चालन हुनेछन् । सरकारको यो निर्णयसँगै आगामी साउन ७ गतेसम्म नेपालसँगको चीन तथा भारत दुबैतर्फका सीमानाका तथा यात्रुबाहक हवाई उडानको आगामन तथा प्रस्तान बन्द हुने भएको छ ।

हवाई उडानका अलावा सरकारले शैक्षिकसंस्था, विभिन्न मेला, जात्रा, पर्व, स्वीमिङ्ग पुल, स्कुल, क्याम्पस, धेरै मान्छे भेला भएर हुने खेललगायतपनि आगामी साउन ७ गतेसम्मका लागि बन्द गर्ने निर्णय गरेको छ ।

Comment from facebook