अहिलेको ‘लकडाउन’ साउन ७ सम्मलाई थपियो, घरमै क्वारेन्टाइनमा बस्ने प्रतिबद्धता जनाएपछि मात्रै काठमाडौं छिर्न अनुमति दिइने

Best Khabar Team | २०२६ पुष १७ गते बिहिबार

२९ जुन, २०२०
काठमाडौं । सरकारले कोरोना भाइरसको संक्रमण बढ्दै गएका कारण आगामी साउन ७ गतेसम्मका लागि लकडाउन लम्ब्याउने घोषणा गरेको छ । आज बसेको मन्त्रीपरिषद् बैठकले जिल्ला भित्र निजी सवारी साधनलाई जोर विजोर प्रणाली अनुसार चल्न दिने यसअघिको निर्णयलाई कायम राख्दै हाल जारी लकडाउन साउन ७ सम्मका लागि लम्बाउने निर्णय गरेको छ । पछिल्ला दिनहरुमा देशभर सरदर दैनिक ५ सयको हाराहारीमा नयाँ कोरोना संक्रमित बढ्दै गएपछि सरकारले जारी लकडाउनलाई बढाउने घोषणा गरेको हो ।

यस्तै सरकारले काठमाडौं उपत्यका आउनका लागि अनिवार्य रुपमा गृहमन्त्रालयले जारी गरेको पासका साथ काठमाडौं आएपछि कम्तीमा १४ दिन होम क्वारेन्टाइनमा बस्ने प्रतिबद्धतासहितको पत्रमा हस्ताक्षर गर्नुपर्ने व्यवस्था गरेको छ । योसँगै गृहमन्त्रालयको पास लिएर काठमाडौं आएपछि अनिवार्य रुपमा १४ दिन होम क्वारेन्टाइनमा बस्नुपर्ने भएको छ ।

सरकारले यथास्थितिमा बढी मानिसहरुको जमघट हुने स्कुल, क्याम्पस, स्वीमिङ्ग पुललगायतलाई आगामी साउन ७ गतेसम्म सञ्चालन गर्न नपाउने गरी निर्णय गरेको छ ।

Comment from facebook