नेपाली पुरुषसँग विवाह गर्ने विदेशी महिलालाई ७ वर्षपछि मात्रै अंगीकृत नागरिकता : नेकपा

Best Khabar Team | २०२६ पुष १७ गते बिहिबार


२० जुन, २०२०
काठमाडौं । नेपाल कम्युनिष्ट पार्टीले नेपाली पुरुषसँग विवाह गर्ने विदेशी महिलालाई विवाहको कम्तीमा ७ वर्षपछि मात्रै अंगीकृत नागरिकता दिने निर्णय गरेको छ । नेकपाको आज बसेको सचिवालय बैठकले हाल रहेको व्यवस्थालाई परिवर्तन गरी ७ वर्षपछि मात्रै अंगीकृत नागरिकता प्रदान गर्न सकिने गरी सहमति जुटाएको हो ।

प्रतिनिधिसभा अन्र्तगतको राज्य व्यवस्था तथा सुशासन समितिले यो विषयमा आधिकारिक धारणा बनाउन दलहरुलाई एक साताको समय दिएसँगै आ–आफ्नो दलको एउटा प्रस्ताव तयार गर्न राजनीतिक पार्टीले बैठक र छलफल अघि बढाएका छन् । यही क्रममा सत्तारुढ नेपाल कम्युनिष्ट पार्टीले आज सचिवालयमा यो विषयमा छलफल अघि बढाएको हो । नेकपाको सचिवालय बैठकमा विशेष गरी प्रधानमन्त्रीसमेत रहेको नेकपाका अध्यक्ष केपी शर्मा ओली र पूर्व प्रधानमन्त्री एवं अर्का अध्यक्ष पुष्पकमल दाहाल प्रचण्डले नै अहिलेको तत्काल अंगीकृत नागरिकता दिने व्यवस्थामा परिवर्तन गरी ७ वर्षको प्रवधान ल्याउनुपर्नेमा जोड दिएका थिए ।

बैठकमा सहभागी एक सचिवालय सदस्यका अनुसार विदेशीलाई तत्काल नागरिकता दिँदा त्यसले नागरिकताको महत्व घटाएको र कतिपय अवस्थामा राष्ट्रियतासँग जोडिएका महत्वूर्ण विषयमा समेत समस्या देखिएको भन्दै ७ वर्षे प्रावधान राख्नुपर्नेमा दाहाल र ओलीले जोड दिएका थिए । भारतले कब्जा गरेको नेपालको दार्चुला क्षेत्रको कालापानीको भूमिका विषयमा अंगीकृत नागरिकता लिएकी सांसद सरिता गिरीले विवादास्पद र राष्ट्रिय हित विपरितको अभिव्यक्ति दिएपछि अंगीकृत नागरिकताको विषयमा विवाद बढ्दै आएको छ ।

सोही विषयलाई लिएर उनलाई आजैमात्रै जन्मकैदको माग गर्दै सर्वोच्चमा उजुरी समेत परेको छ । आम नागरिकस्तरबाट अंगीकृत नागरिकताको विषयमा कडाई गर्नुपर्ने भन्दै सरकार र राजनीतिक दलहरुलाई खबरदारी हुँदै आएको सन्दर्भमा नेकपाले यस्तो धारणा बनाएको हो । सबै पार्टीको धारणालाई लिएपछि राज्य व्यवस्था समितिले यो विषयमा समितिमा थप छलफल पछि एउटा ठोस निर्णय लिनेछ ।



Comment from facebook



थप खबर पढ्नुहोस्
मतिष्कघातले लग्यो काँग्रेस नेता जोशीलाई मतिष्कघातले लग्यो काँग्रेस नेता जोशीलाई

२०२६ पुष १७ गते बिहिबार

२६ मार्च, २०२१काठमाडौं । पूर्वमन्त्री एवं नेपाली काँग्रेसका नेता...

युरोपबाट काठमाडौंं आएकी १९ वर्षकी युवतीमा भेटियो कोभिड–१९, टेकु अस्पतालमा उपचार हुँदै युरोपबाट काठमाडौंं आएकी १९ वर्षकी युवतीमा भेटियो कोभिड–१९, टेकु अस्पतालमा उपचार हुँदै

२०२६ पुष १७ गते बिहिबार

२३ मार्च, २०२०काठमाडौं । युरोपेली मुलुक फ्रान्सबाट नेपाल फर्किएकी...

जर्मनीमा कोरोना कहर : हेसेन राज्यका अर्थमन्त्रीको शव रेलवे स्टेनमा भेटियो, आत्महत्याको आशंका जर्मनीमा कोरोना कहर : हेसेन राज्यका अर्थमन्त्रीको शव रेलवे स्टेनमा भेटियो, आत्महत्याको आशंका

२०२६ पुष १७ गते बिहिबार

२९ मार्च, २०२०बर्लिन । विश्वव्यापी महामारीको रुपमा फैलिएको कोरोना...

ठमेलले यसरी ग-यो पर्यटन वर्ष २०२० को स्वागत (फोटोफिचर) ठमेलले यसरी ग-यो पर्यटन वर्ष २०२० को स्वागत (फोटोफिचर)

२०२६ पुष १७ गते बिहिबार

३० डिसेम्बर, २०१९ काठमाडौं । नेपाल भ्रमण वर्ष २०२०...

Top