छ मायाँ छपक्कैको पहिलो साताको कमाई नै झण्डै पाँच करोड

Best Khabar Team | २०७६ कार्तिक ६ गते बुधबार

२३ अक्टोबर, २०१९
काठमाडौं । गत शुक्रबारदेखि प्रदर्शनमा आएको ‘छ मायाँ छपक्कै’ नामक नेपाली चलचित्रहरुले पहिलो सातामै राम्रो व्यापार गरेको छ । दशैं तिहार जस्ता ठूला चाडपर्वको बीचमा प्रदर्शनमा आएको चलचित्रले प्रदर्शको पहिलो सातामै झण्डै पाँच करोड रुपैयाँ बराबरको व्यापार गरेको चलचित्र निर्माताले जनाएका छन् ।

अहिले अहिले अधिकांश क्याम्पस तथा स्कुल बन्द भएको तथा कतिपय कार्यालयहरुसमेत दशैं तिहारको विदामा रहेका कारण चलचित्र हलमा दर्शहरुको भीड बढेको छ । जुन चलचित्र निर्माता पक्षको लागि खुसीको कुरा हो । शनिबारसम्ममा ३ करोड रुपैयाँ बराबरको व्यापार गरेको चलचित्रले बुधबारसम्ममा पाँच करोड रुपैयाँ संकलन गरेर रेकर्ड कायम गरेको छ । दिपेन्द्र लामाको निर्देशनमा निर्माण भएको चलचित्र देशभरका ३ सय भन्दा चलचित्र भवनहरुमा चलिरहेको छ ।

चलचित्र आमा सरस्वती मुभिज र रोहित अधिकारी फिल्म्सको प्रस्तुती हो । चलचित्रको निर्माणमा दीपकराज गिरी, दीपाश्री निरौलालगायतसमेत सहभागी छन् । उनीहरुको साथै चलचित्रमा कलाकारहरु केदार न्यौपाने, जितु नेपाल, केकी अधिकारीलगायतको अभिनय रहेको छ । चलचित्र प्रमोशनका लागि दिपक र दिपाले नयाँ शैली अपनाएका छन् । चलचित्रको निर्माता रोहित अधिकारी र सह निर्माता सुमन गिरीलगायत छन् ।