भारत चीनबीचको सीमा विवाद : रुसको मध्यस्थतामा वार्ता हुँदै

Best Khabar Team | २०२६ पुष १७ गते बिहिबार

१८ जुन, २०२०
नयाँदिल्ली । गएको सोमबार राती भारत चीन सिमावर्ती क्षेत्र लद्दाखमा भएको दुईदेशका सैन्य अधिकारीहरुबीचको भिडन्तपछि उत्पन्न परिस्थितिलाई लिएर रसियाको मध्यथतामा वार्ता हुने भएको छ । चीन र भारतका सैनिकबीच आज भएको उच्चस्तरको छलफलमा २० जना भारतीय सैनिकको ज्यान जाने गरी भएको सो घटनापछि उत्पन्न परिस्थितिलाई लिएर रुसको मध्यस्थतामा वार्ता हुन लागेको हो ।

वार्तामा दुबै देशका विदेशमन्त्री र सचिवहरु सहभागि हुने भारतीय सञ्चारमाध्यमले जनाएका छन् । भिडियो कन्फरेन्सको माध्यमबाट हुने योबार्ता आगामी जुन २३ का दिन हुने मिति तय भएको छ । रुसले भारत चीनबीच अहिले देखिएको बढ्दो तनावलाई कम गर्न सहयोगी भूमिका खेल्ने अनुमान गरिएको छ । भारत चीन सिमावर्ती क्षेत्र लद्याखमा गएको सोमबार सिमा सुरक्षामा खटिएका चीन र भारतका सैन्य अधिकारीबीच भएको झडपमा परी २० जना भारतीय सैनिकको ज्यान गएको थियो भने केही घाइते भएका थिए ।

घटनामा दुबै पक्षले आफूहरुको कमजोरी नरहेको बताउँदै आएका छन् । भारतले यो विषयमा रणनीति तय गर्नका लागि भोलि सर्वदलीय बैठकको आयोजना समेत गरेको छ । जुन २३ मा हुने दुईदेशबीचको वार्तामा उठाउने एजेन्डालगायतका विषयमा छलफल गर्नका लागि प्रधानमन्त्री नरेन्द्र मोदीले सर्वदलीय बैठक बोलाएका हुन् ।