रुकुममा ६ जनाको हत्या प्रकरण : एकै गाउँका ३४ जना विरुद्ध मुद्दा दायर, थुनछेक बहस भोलिबाटै

Best Khabar Team | २०२६ पुष १७ गते बिहिबार

१४ जुन, २०२०
चौरजहारी, रुकुम । ६ जनाको ज्यान जाने गरी यही जेठ १० गते रुकुमको चौरजहारीमा भएको घटनामा संलग्न एकै गाउँका ३४ जना विरुद्ध आज मुद्दा दायर भएको छ । रुकुम पश्चिमको चौरजहारी नगरपालिका वडा नम्बर ८ मा भएको घटनामा संलग्न रहेको अभियोगमा प्रहरीले सोती गाउँका ३४ जना विरुद्ध मुद्दा दायर गरेको हो । जिल्ला अदालत रुकुममा गरिएको सो मुद्दाको भोलिदेखि नै थुनछेक बहस शुरु हुने जिल्ला अदालतका श्रेस्तेदारले बताएका छन् ।

दलित युवक आफ्ना साथीसहित उनकी केटी साथिलाई लिन जाजरकोटबाट सोतीमा आउँदा १० साँझ स्थानीयले आक्रमण गर्दा ६ जना भेरी नदीमा वेपत्ता भएका थिए । वेपत्ता भएका जाजरकोटका नवराज विक (सोतीकी मल्ल थरकी युवतीका केटासाथी) सहित ६ जनाको शव भेरी नदीका विभिन्न भागमा फेला परेपछि प्रहरीले घटनाको बारेमा विस्तृत अनुसन्धान गरी दोषीमाथि कारबाहीको माग गर्दै जिल्ला अदालतमा मुद्दा दर्ता गरेको हो ।

सो घटनामा जाजरकोट भेरीका नवराज विक, गणेश बुढा मगर, सञ्जु विक, लोकेन्द्र सुनार, गोविन्द शाही र रुकुम पश्चिम चौरजहारी नगरपालिकाका टीकाराम नेपालीको मृत्यु भएको थियो । आज मुद्दा दर्ता गरिएकालाई ज्यानमार्ने उद्योगमा हदैसम्मको कारबारही गर्न माग गरिएको छ । यस्तै उनीहरुलाई जातिय भेदभावको कसुरसमेतमा कारबाही गर्न र जन्मकैदको माग गरिएको छ । मुद्दा दर्ता गरिएकामा २ जना भने कानुनी रुपमा नाबालक रहेको बताइएको छ ।

प्रहरीले स्थानीय वासिन्दाहरु डम्बरबहादुर मल्ल, डिल्ली मल्ल, तुलबहादुर मल्ल, प्रेमबहादुर ठकुरी, सन्तोष मल्ल, मोहन पुन मगर, मानबहादुर मल्ल, टोपबहादुर मल्ल, सर्वजित भन्ने सविन पुनको विरुद्ध मुद्दा दायर गरेको हो । यस्तै सो गाउँकी नवराजकी केटी साथी मल्ल थरकी युवती, उनका बुबा आमा, दाइ, एक जना नाबालकको विरुद्ध पनि मुद्दा दर्ता गराएको छ । सोही घटनामा संलग्न स्थानीय इन्द्रबहादुर मल्ल, तिलक सन, इन्द्रबहादुर ठकुरी, लिपेन्द्रकुमार मल्ल, हर्कबहादुर मल्ल, विनोद मल्ल, दिपेन्द्र चन्द, नेत्रबहादुर मल्ललाई पनि प्रहरीले जन्मकैदको माग गर्दै अदालतमा मुद्दा दायर गरेको हो । ६ जना युवकको हत्यामा संलग्न रेशमबहादुर मल्ल, धनराज राणा, नविनकुमार घर्ती, विराज पुन मगर, भीमबहादुर पुन, रमित पुन मगर र विष्णु मल्लका विरुद्द पनि मुद्दा दायर भएको छ । मुद्दा दायर गरिकामध्ये स्थानीय लोकेन्द्र घर्ती तुलाराम घर्ती, डिल्ली घर्ती, सौरभ पुन र भीमबहादुर बुढा भने फरार रहेको र उनीहरुको खोजी भै रहेको प्रहरीको भनाई छ ।

सो घटनामा संलग्न भनिएका २९ जनालाई प्रहरीले पक्राउ गरी नियन्त्रणमा लिएको छ भने ६ जना फरार रहेका छन् । प्रहरीले स्थानीय वासिन्दाहरु डम्बरबहादुर मल्ल, डिल्ली मल्ल, तुलबहादुर मल्ल, प्रेमबहादुर ठकुरी, सन्तोष मल्ल, मोहन पुन मगर, मानबहादुर मल्ल, टोपबहादुर मल्ल, सर्वजित भन्ने सविन पुनको विरुद्ध मुद्दा दायर गरेको हो । यस्तै सो गाउँकी नवराजकी केटी साथी मल्ल थरकी युवती, उनका बुबा आमा, दाइ, एक जना नाबालकको विरुद्ध पनि मुद्दा दर्ता गराएको छ । सोही घटनामा संलग्न स्थानीय इन्द्रबहादुर मल्ल, तिलक सन, इन्द्रबहादुर ठकुरी, लिपेन्द्रकुमार मल्ल, हर्कबहादुर मल्ल, विनोद मल्ल, दिपेन्द्र चन्द, नेत्रबहादुर मल्ललाई पनि प्रहरीले जन्मकैदको माग गर्दै अदालतमा मुद्दा दायर गरेको हो ।

६ जना युवकको हत्यामा संलग्न रेशमबहादुर मल्ल, धनराज राणा, नविनकुमार घर्ती, विराज पुन मगर, भीमबहादुर पुन, रमित पुन मगर र विष्णु मल्लका विरुद्द पनि मुद्दा दायर भएको छ । मुद्दा दायर गरिकामध्ये स्थानीय लोकेन्द्र घर्ती तुलाराम घर्ती, डिल्ली घर्ती, सौरभ पुन र भीमबहादुर बुढा भने फरार रहेको र उनीहरुको खोजी भै रहेको प्रहरीको भनाई छ ।

प्रहरीले गाँउलेकै कुटाईबाट उनीहरुको मृत्यु भएको निष्कर्षसहित आज जिल्ला अदालतमा मुद्दा दायर गरेको प्रहरी स्रोतको भनाई छ । प्रहरीले गाउँलेले लखेटेर उनीहरुलाई भेरी नदीमा पु-याएको र त्यसपछि माथिबाट ढुंगाले हानेर नदीभित्रै उनीहरुको गरेको निष्कर्षसहित ३४ जना विरुद्ध कर्तव्यज्यान मुद्दामा कारबाही गर्न माग गरिएको छ ।