यौन दुराचारको आरोपी महरा थप ३ दिन हिरासतमै रहने

Best Khabar Team | २०७६ आश्विन २८ गते मंगलबार

१५ अक्टोबर, २०१९
काठमाडौं । यौन दुराचारको अभियोगमा पक्राउ परेका पूर्व सभामुख कृष्णबहादुर महरालाई थप ३ दिन हिरातमै राखेर अनुसन्धान गर्न काठमाडौं जिल्ला अदालतले आदेश दिएको छ । अदालतले आज दिएको आदेशसँगै पूर्व सभामुख महरा आगामी शुक्रबारसम्म हिराहतमै रहने भएका हुन् ।

गत असोज १९ गते पक्राउ परी सिंहदबारस्थित प्रहरीको हिरासतमा रहेका महरामाथि लागेको अभियोग छानबिनका लागि भन्दै थप ३ दिन महरालाई हिरासतमै राखेर अनुसन्धान गर्न अदालतले अनुमति दिएको हो । पक्राउ परेसँगै महराले स्वास्थ्यमा समस्या देखाएपछि महरालाई केहीदिन अघि काठमाडौंको थापाथलीस्थित नर्भिक अस्पतालमा उपचारार्थ भर्ना गरिएको थियो ।

अदालतको आदेशसँगै आज महरालाई अस्पतालबाट सिधै अदालतमा पेश गरिएको थियो । रोशनी शाही नामकी महिलाले आफूमाथि महराले यौन दुव्र्यवहार गरेको भन्दै प्रहरीमा उजुरी दिएपछि महरा पक्राउ परेका थिए ।

Comment from facebook