थपिए ३१४, देशभर ३७६२ जनामा संक्रमण

Best Khabar Team | २०७७ श्रावण २२ गते बिहिबार

०८ जुन, २०२०
काठमाडौं । नेपालमा विगत २४ घण्टा यता थप ३ सय १४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा दिइएको जानकारी अनुसार देशका करिब ३ दर्जन जिल्लामा थप ३ सय १४ जनामा कोरोना संक्रमण देखिएको हो । संक्रमणमा परेकाहरु धादिङ्ग, बारा, पर्सा, रौतहट, बाँके, कपिलबस्तु, चितवनलगायतका जिल्लाका रहेका छन् ।

संक्रमित सबैको अवस्था सामान्य रहेको छ । उनीहरुमध्ये धेरैजसो क्वारेन्टाइनमा रहेकाहरु छन् । कोरोना भाइरसको संक्रमणबाटै ज्यान गुमाउनेहरुको संख्या भने १४ पुगेको मन्त्रालयको भनाई छ । यस्तै कुल ४ सय ८८ जनाको उपचार सफल भएको छ । जेठ महिनामा भारतमा रोजगारीमा गएका नेपालीहरु नेपाल फर्केलगत्तै कोरोना संक्रमितको संख्या पनि ह्वात्तै बढेको मन्त्रालयको भनाई छ ।