कोरोनाको इपिसेन्टर बनेको इटलीले पर्यटकलाई स्वागत गर्न शुरु ग-यो

Best Khabar Team | २०७६ फाल्गुन २३ गते शुक्रबार


०३ जुन, २०२०
रोम । युरोपमा कोरोनाको इपिसेन्टरको रुपमा रहेको इटलीले आजबाट पर्यटकहरुलाई स्वगत गर्न शुरु गरेको छ । इटलीले पहिलो चरणमा आज युरोपेली राष्ट्रका पर्यटकहरुलाई स्वागत गरेको हो । हाल विश्वका विभिन्न मुलुकमा कोरोना संक्रमण जारी रहेको कारण तत्कालका लागि भने युरोप बाहिरका पर्यटकहरुलाई स्वागत गर्न नसकिने यहाँको सरकारले जनाएको छ ।

इटली सरकारको यो घोषणासँगै अब युरोपेली युनियनमा आबद्ध २६ राष्ट्रका नागरिकहरु तथा त्यहाँ रहेका विदेशी पर्यटकहरुले निर्वाध रुपमा घुम्न पाउने भएका छन् । कोरोना संक्रमणले पहिलो पटक युरोपमा इटलीलाई नराम्ररी तहसनहस पारेको थियो । हाल युरोपेली युनियनमा आबद्ध राष्ट्रहरुमध्ये इटलीमा कोरोनाका कारण सबैभन्दा धेरैको ज्यान गएको तथ्यांक छ । त्यसपछि स्पेन रहेको छ । यसअघि युरोपेली युनियनमा रहेको लण्डनमा भने मृतकको इटली भन्दा पनि माथि छ ।

यसअघि इटलीमा कोरोनाले हजारौंको ज्यान गैसक्दा पनि युरोपमा अन्य मुुलुकमा संक्रमण विस्तारै फैलँदै थियो । यहाँका सञ्चारमाध्यमहरुले जनाए अनुसार पर्यटकहरुले अब युरोपेली युनियन सम्बद्ध राष्ट्रबाट इटली आउँदा क्वारेन्टाइनमा बस्नुपर्ने छैन । तर उनीहरुले सुरक्षा सावधानी भने अपनाउनु पर्नेछ । सामाजिक दुरी कायम गर्नेदेखि मास्कलगाउने कामलाई अनिवार्य गरिएको छ । पछिल्लो करिब ३ महिनादेखि कोरोनाका कारण इटलीमा पर्यटकीय गतिविधि ठप्प छ । जसका कारण यहाँको अर्थतन्त्र पनि धरापमा पर्ने निष्कर्ष निकाल्दै सरकारले आवश्यक सावधानीका साथ पर्यटकहरुलाई स्वागत गर्ने जनाएको हो ।

इटलीमा हालसम्म कोरोनाका कारण कारण ३३ हजार ५ सय ३० जनाको ज्यान गै सकेको छ । अहिले युरोपेली मुलुकहरुमा विस्तारै गर्मी मौसम (समर) शुरु भएका कारण पनि पर्यटकहरुको आवागमन विस्तारै बढ्ने अनुमान गरिएको छ । यहाँका विभिन्न शहरले पर्यटक केन्द्रीय विभिन्न कार्यक्रमहरु अघि सारेका छन् । कतिपयले पर्यटकलाई धेरै भन्दा धेरै छुटको व्यवस्था गरेका छन् । इटलीसँगै सिमाना जोडिएको स्लोभानियाले ३ साता अघि नै आफ्नो मुलुकलाई कोरोना मुक्त भएको भन्दै पर्यटकहरुलाई घुम्नका लागि आमन्त्रण गरिसकेको छ ।

यस्तै युरोपका अन्यदेशहरु पोर्चुगल, डेनमार्कलगायतका देशले पनि पर्यटकहरुका लागि विस्तारै आफ्नो देशको सिमा तथा हवाई सेवाहरु शुरु गरिसकेका छन् । पोर्चुगल जुन १ देखि पर्यटकहरु खुल्ला गरिएको त्यहाँका टेलिभिजनहरुले जनाएका छन् ।



Comment from facebook



थप खबर पढ्नुहोस्
आपूर्ति मन्त्रीको उद्घोष : आयल निगमको जग्गा खरिदमा अनियमितता भेटिए कारबाही हुन्छ आपूर्ति मन्त्रीको उद्घोष : आयल निगमको जग्गा खरिदमा अनियमितता भेटिए कारबाही हुन्छ

२०७३ चैत्र २६ गते शनिबार

अगस्ट ४, २०१७ काठमाडौं । आपूर्तिमन्त्री शिवकुमार मण्डलले आयल...

पछिल्लो २४ घण्टाको कोरोना अपडेट : थप ५ को मृत्यु, ४६४ जना नयाँ संक्रमित भेटिए पछिल्लो २४ घण्टाको कोरोना अपडेट : थप ५ को मृत्यु, ४६४ जना नयाँ संक्रमित भेटिए

२०७७ असार २४ गते बुधबार

०७ अगस्ट, २०२०काठमाडौं । पछिल्लो २४ घण्टामा देशभर थप...

पछिल्लो २४ घण्टामा भेटिए १ हजार १११ संक्रमित , काठमाडौंमा एकैदिन थपिए हालसम्मकै धेरै पछिल्लो २४ घण्टामा भेटिए १ हजार १११ संक्रमित , काठमाडौंमा एकैदिन थपिए हालसम्मकै धेरै

२०२६ पुष १७ गते बिहिबार

२७ अगस्ट, २०२०काठमाडौं । नेपालमा पहिलोपटक एकैदिन १ हजार...

संसदीय चुनाव पर्यवेक्षणका लागि काँग्रेस उपसभापति निधी कोपहेगनमा संसदीय चुनाव पर्यवेक्षणका लागि काँग्रेस उपसभापति निधी कोपहेगनमा

२०७५ फाल्गुन २२ गते बुधबार

०३ जुन, २०१९ कोपनहेगन/डेनमार्कमा हुन लागेको आसन्न संसदीय चुनावको...

Top