खर्च धान्न नसकिने भन्दै संघीयता खारेजीको मागसहित संशोधन प्रस्ताव* दर्ता

Best Khabar Team | २०७७ जेठ २१ गते बुधबार

०३ मे, २०२०
काठमाडौं । मुलुकले संघीयता धान्न नसक्ने भन्दै चित्रबहादुर केसी नेतृत्वको राष्ट्रिय जनमोर्चाले संशोधन प्रस्ताव दर्ता गराएको छ । नेपाल जस्तो गरिब देशले अहिलेको अवस्थामा संघीयताको नाममा हुने खर्च धान्न नसक्ने निष्कर्ष जनमोर्चाको छ । उसले स्थानीय निकायलाई अधिकार प्रदान गरिए संघीयता आवश्यक नभएकोमा पनि जोड दिएको छ ।

संसदबाट संविधान संशोधनको तयारी भै रहेका बेला जनमोर्चाका अध्यक्ष चित्रबहादुर केसीले संघीयताको नाममा ब्रह्मलुट भै रहेको संघीयता खारेजी गर्न माग गर्दै आज संशोधन प्रस्ताव दर्ता गराएका हुन् । अहिलेको अवस्थामा संघीयताले खर्च बढाउने र गाउँगाउँमा नयाँ नेतालाई पाल्नुपर्ने दायित्व सरकारको काँधमा थोपरिएको जनमोर्चाको ठहर छ ।

उनीहरुलाई पाल्ने आर्थिकभार नेपाली जनताको थाप्लोमा पर्ने भन्दै संघियताको औचित्य नभएको राष्ट्रिय जनमोर्चाको ठहर छ । हालसम्म सरकारले संविधान संशोधन प्रस्ताव दर्ता गरेसँगै राष्ट्रिय जनमोर्चा, नेपाली काँग्रेस तथा समाजवादी पार्टीलगायतले आ–आफ्नो पार्टी र दलको तर्फबाट संशोधन प्रस्ताव दर्ता गराएका छन् ।

(*सच्चाइएको)