Best Khabar Team | २०७६ फाल्गुन २३ गते शुक्रबार

---

०३ जुन, २०२०
काठमाडौं । देशका विभिन्न जिल्लामा पछिल्लो २४ घण्टामा थप २ सय १ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले आज काठमाडौंमा गरेको नियमित पत्रकार सम्मेलनमा विगत २४ घण्टा यता देशका करिब ३ दर्जन जिल्लामा २ सय १ जना कोरोना संक्रमित थप भएको जानकारी गराइएको छ ।

मन्त्रालयका प्रवक्ता विकास देवकोटाले कोरोनाबाट काठमाडौंमा थप एक जनाको निधन भएको पुष्टि गरे । उनी दोलखाका एक ७६ वर्षका पुरुष रहेको प्रवक्ता देवकोटाको भनाई छ । मन्त्रालयले जारी गरेको पछिल्लो तथ्यांक अनुसार देशका निम्न जिल्लामा निम्न संख्यामा कोरोना संक्रमितहरु थपिएका छन् ।

• धनुषामा १
• काठमाडौंमा ३
• नवलपरासीमा ८
• रौतहटमा ११
• सर्लाहीमा १५
• सिन्धुपाल्चोकमा १
• पर्सामा ७
• दैलेखमा ७,
• सल्यानमा ३
• मोरङमा २
• तेह्रथुममा १
• धनकुटामा१
• सप्तरीमा १
• ताप्लेजुङमा ३
• झापामा २
• पाँचथरमा १
• सुनसरीमा ८
• कैलालीमा ३,
• डोटीमा२
• कपिलवस्तुमा ६९
• पाल्पामा २
• रूपन्देहीमा २७
• महोत्तरीमा ९
• कालीकोटमा ७
• दाङमा ५ र
• प्युठानका २ जना ।

संक्रतिहरु अहिले आइसोलेसनमा रहेको बताइएको छ । यस्तै देशभर हालसम्म २७८ जना उपचारपछि अस्प्तालबाट घर फर्केका छन् । मन्त्रालयले दिएको जानकारी अनुसार देशभर डेढ लाख भन्दा बढी मानिसहरुलाई क्वारेन्टाइनमा राखिएको छ । पछिल्लो २ साता यता भारतबाट नेपालमा आउने नेपालीहरुको संख्या बढ्दै जाँदा कोरोना संक्रमण पनि बढेको मन्त्रालयको ठहर छ ।

---

Comment from facebook