Best Khabar Team | २०७७ जेठ २१ गते बुधबार

---

०३ जुन, २०२०
काठमाडौं । नेपालमा कोरोनाको संक्रमणबाट मृत्यु हुनेको संख्या ९ पुगेको छ । स्वास्थ्य तथा जनसंख्या मन्त्रालयले आज गरेको पत्रकार सम्मेलनमा दिइएको जानकारी अनुसार काठमाडौंमा शिक्षण अस्पतालमा उपचारत एक पुरुषको कोरोनाबाट निधन भएको छ ।

उनी दोलखा जिल्लाको भिमेश्वर नगरपालिका वडा नम्बर २ का ७६ वर्षका पुरुष रहेका छन् । उनको शिक्षण अस्पतालको गणेशमान भवनमा रहेको कोरोना आइसोलेसनको आइसियू कक्षमा उपचार भै रहेको थियो । काठमाडौंको सिनामंगलमा रहेको काठमाडैं मेडिकल कलेज तथा शिक्षण अस्पतालमा उपचारार्थ भर्ना भएका उनको अवस्था गम्भीर बनेपछि जेठ १४ गते राति शिक्षण अस्पतालमा ल्याएर भर्ना गरिएको थियो ।

शुरुमा उनी टाउकोमा चोट लागेर अस्पताल भर्ना भएका थिए । यसअघि नेपालका विभिन्न जिल्लामा सुत्केरी महिलासहित ८ जनाको निधन कोरोना संक्रमणकै कारण भएको पुष्टि मन्त्रालयले गरिसकेको छ । यस्तै देशभर २ हजार ३ सय जनामा कोरोना संक्रमण भएको पुष्टि पनि मन्त्रालयले गरेको छ ।

---

Comment from facebook