लकडाउन जेठ ३२ सम्म लम्बियो

Best Khabar Team | २०७७ जेठ १७ गते शनिबार

३० मे, २०२०
काठमाडौं । सरकारले कोरोना रोग नियन्त्रणका लागि भन्दै जारी गरेको लकडाउन आगमी जेठ ३२ गतेसम्मका लागि जारी राख्ने निर्णय गरेको छ । नेपाल सरकार मन्त्रीपरिषद्को बैठकले कोरोना संक्रमितको संख्या ह्वात्तै बढेका कारण तत्काल लकडाउन खोल्न नसक्ने निर्णयसहित लकडाउन जेठ ३२सम्मका लागि बढाउने निर्णय गरेको हो ।

यसअघि सरकारले घोषणा गरेको लकडाउनको समयावधि यही जेठ २० गते सकिँदै छ । तर भारतबाट पछिल्ला दिनहरुमा हजारौं नेपालीहरु स्वदेश फर्केको र त्यसका कारण देशका विभिन्न जिल्लामा कोरोना संक्रमितहरुको संख्या बढ्दै गएपछि तत्काल लकडाउन नखोल्ने निर्णय भएको सरकारका प्रवक्ताले जनाएका छन् । कोरोना रोगको संक्रमण बढ्दै गएपछि गएको चैत्र ५ गतेदेखि सरकारले नेपालमा लकडाउन घोषणा गरेको थियो ।