hi himalaya nepal

नेपालमा कोरोना : संक्रमित ४८७ पुगे, ७० को उपचार सफल, ३ को मृत्यु

Best Khabar Team | २०७७ जेठ ९ गते शुक्रबार


२२ मे, २०२०
काठमाडौं । नेपालमा कोरोना संक्रमितको संख्या ४ सय ८७ पुगेको छ । स्वास्थ्य तथा जनसंख्या मन्त्रालयले दिएको जानकारी अनुसार आज थप ३० जनामा कोरोना संक्रमण पुष्टि भएसँगै संक्रमितको संख्या ४ सय ८७ पुगेको हो । आज सर्लाहीमा १५, कपिलवस्तुमा ९, चितवनमा २, नवलपरासीमा ३, नवलपरासी पूर्वमा १ जनामा कोरोना संक्रमण देखिएको हो । संक्रमित सबैलाई आइसोलेनमा राखेर उपचार थालिएको छ ।

संक्रमित सबैको अवस्था सामान्य रहेको छ । यस्तै देशभर कोरोनाको संक्रमणमा परी उपचाररत ७० जनाको उपचार सफल भएको मन्त्रालयको भनाई छ । बाँकेको खजुरामा रहेको क्यान्सर अस्पतालको आइसोलेसनमा उपचारत २१ जना आज कोरोनालाई जित्दै घर फर्र्केका हुन् । यसअघि देशका विभिन्न स्थानका ४९ जनाले कोरोना संक्रमणलाई जितेका थिए ।

देशभर हालसम्म ३ जनाको कोरोनाका कारण ज्यान गएको छ । ज्यान गुमाउनेमा एक महिला र २ पुरुष रहेका छन् । संक्रमणमा परेर उपचारमा रहेकाहरुमध्ये सबैको अवस्था सामान्य रहेको स्वास्थ्य मन्त्रालयको भनाई छ । कोरोना संक्रमण फैलन नदिन सरकारले आगामी जेठ २० गतेसम्मका लागि मुलुकभर लकडाउन गरेको छ ।

यस्तै जेठ ३१ गतेसम्मका लागि देशभरका सिमानाका बन्द गरिएको छ । हवाई उडान पनि आगामी जेठ ३१ गतेसम्मका लागि बन्द गरिएको कोरोना नियन्त्रण उच्चस्तरीय समितिले यसअघि नै बताइसकेको छ ।



Comment from facebook



थप खबर पढ्नुहोस्
थपिँदै कोरोना संक्रमित : २४ घण्टामा ५९४ जना संक्रमित भेटिए थपिँदै कोरोना संक्रमित : २४ घण्टामा ५९४ जना संक्रमित भेटिए

२०७७ श्रावण ३० गते शुक्रबार

१४ अगस्ट, २०२०काठमाडौं । पछिल्ला दिनहरुमा देशव्यापी रुपमा कोरोना...

क्यान्सरले लग्यो बलिउड अभिनेता इरफानलाई क्यान्सरले लग्यो बलिउड अभिनेता इरफानलाई

२०७७ बैशाख १७ गते बुधबार

२९ अप्रिल, २०२०नयाँदिल्ली । चर्चित बलिउड तथा हलिउड अभिनेता...

७० करोड कमिसन सम्बन्धी विवादास्पद अडियो सार्वजनिक भएपछि सञ्चारमन्त्रीले दिए राजीनामा ७० करोड कमिसन सम्बन्धी विवादास्पद अडियो सार्वजनिक भएपछि सञ्चारमन्त्रीले दिए राजीनामा

२०७६ फाल्गुन ८ गते बिहिबार

२० फेब्रअरी, २०२० काठमाडौं । स्वदेशमै राहदानी छाप्नका लागि...

फ्रान्समा कोरोना : बुधबार हाल सम्मकै सबैभन्दा धेरै १४ सय ३८ जनाको ज्यान गयो फ्रान्समा कोरोना : बुधबार हाल सम्मकै सबैभन्दा धेरै १४ सय ३८ जनाको ज्यान गयो

२०७७ बैशाख ३ गते बुधबार

१५ अप्रिल, २०२० पेरिस । युरोपेली मुलुक फ्रान्समा कोरोना...

Top