Best Khabar Team | २०२६ पुष १७ गते बिहिबार
२० मे, २०२०
काठमाडौं । सरकारले विगतमा भारतले अतिक्रमित गरेको भूमिलाई समेत समावेश गरेर नयाँ राजनीतिक तथा प्रशासनिक नक्सा सार्वजनिक गरेको छ । भूमिव्यवस्था मन्त्री पद्मा अर्यालले आज पत्रकार सम्मेनमार्फत् नेपालको नयाँ नक्सा सार्वजनिक गरेकी हुन् । नयाँ नक्सामा विगतमा नेपालको भूमि भएपनि भारतले कब्जा गरेर संरचना बनाएको तथा उनीहरुको देशको नक्सामा राखेको नेपाली भूमि लिपुलेक, लिम्पियाधुरा तथा कालापानीजस्ता भूभागलाई समेटिएको छ ।
यसअघि केहीदिन अघि राष्ट्रपति विद्यादेवी भण्डारीले संसदमा सरकारको नीति तथा कार्यक्रम सार्वजनिक गर्दै भारतले अतिक्रमण गरेको नेपाली भूमि समावेश गरेर नयाँ नक्सा सार्वजनिक गर्ने बताएकी थिइन् । यस्तै ३ दिनअघि बसेको मन्त्रीपरिषद्को बैठकले नयाँ नक्सा सार्वजनिक गर्ने निर्णय गरेको थियो ।
सरकारको यो निर्णयलगत्तै मन्त्री अर्यालले आज नेपालको नयाँ नक्सा सार्वजनिक गरेकी हुन् । नयाँ सार्वजनिक गरिएको नक्सा आजैको मितिबाट प्रचलनमा ल्याइने मन्त्री अर्यालले बताइन् । विगतमा सो क्षेत्रमा रहेको लिम्पियाधुरादेखी गुन्जी, नाभी र कुटीलगायतका क्षेत्रहरु नेपालको नक्सामा समावेश गरिएको मन्त्री अर्यालको भनाई छ ।
यो विषयमा भारतसरकारसँग पनि सौहार्दपूर्णरुपमा छलफल गर्ने उनले बताइन् । थप भूभाग समावेश गरेर नयाँ नक्सा सार्वजनिक गरिएपछि नेपालको कुल क्षेत्रफल १ लाख ४७ हजार ५ सय १६ वर्ग किलोमिटर हुने भएको छ ।
केहीदिनअघि भारतले सो क्षेत्रमा एकलौटी रुपमा खनेको बाटो उद्घाटन गरेपछि त्यसको चौतर्फी विरोध हुँदै आएको थियो । त्यसपछि सरकारले यो निर्णय गरेको हो । सरकारको यो निर्णयलाई सबै नेपाली जनताले साथ र समर्थन गरेका छन् ।
२०२६ पुष १७ गते बिहिबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
२०२६ पुष १७ गते बिहिबार
२४ फेब्रुअरी, २०२० नयाँदिल्ली । दुईदिने भारत भ्रमणका लागि...
२०२६ पुष १७ गते बिहिबार
१७ मार्च, २०२० लिंकरोभर, बेल्जियम । पछिल्लो समयमा युरोपमा...
२०७७ असार २८ गते आइतबार
०७ डिसेम्बर, २०२०काठमाडौं । नायिका स्वेता खड्का पुनः विवाह...
२०२६ पुष १७ गते बिहिबार
१३ मे, २०२०काठमाडौं । नेपालमा कोरोना संक्रमितको संख्या २...
Top