कतार एयरले विश्वभरका स्वास्थ्यकर्मीलाई १ लाख निःशुल्क टिकट प्रदान गर्दै, नाम दर्ताको समय आजराति सकिँदै

Best Khabar Team | २०२६ पुष १७ गते बिहिबार


१८ मे, २०२०
दोहा । यात्रुहरुलाई प्रदान गरिने हवाई सेवा र सुविधाको हिसावले ‘पाँचतारे उपाधी’ पाएको विमान उडान कम्पनी कतार एयरले विश्वभर कोरोनाका विरुद्ध अग्रमोर्चामा रहेर विरामीको सेवामा खटिएका स्वास्थ्यकर्मीलाई निःशुल्क रुपमा हवाई उडान गराउने भएको छ । विश्वका स्वास्थ्यकर्मीलाई एयरलाईन्सले १ लाख टिकट निःशुल्करुपमा उपलब्ध गराउने अभियान थालेको हो । गत मे १२ तारिखका दिन अन्र्तराष्ट्रिय नर्स दिवसको अवसर पारेर शुरु गरेको नाम दर्ताको समय आज राती कतारी समय अनुसार रातको ११ बजेर ५९ मिनेटसम्म मान्य रहने एयरलाईन्सले जनाएको छ ।

विश्वभर कोरोना भाइरसका विरुद्ध अग्रमोर्चामा लड्ने स्वास्थ्यकर्मीहरुको कामको उच्च सम्मान गर्दै उनीहरुलाई निःशुल्क रुपमा हवाई उडानको टिकट उपलब्ध गराउन लागिएको कम्पनीको भनाई छ । कुनै एउटा निश्चित गन्तव्यमा जानको लागि एकपटक मात्रै यो सेवा उपलब्ध हुने कम्पनीको भनाई छ ।

आजराती (मे १८ तारिख) कतारको स्थानीय समय अनुसार रातको १२ बज्न १ सेकेन्ड बाँकी हुँदासम्म नाम दर्ता जारी रहने कम्पनीको भनाई छ । कोरोनाको संक्रमण फैलिएको देश र ती देशमा बसेर काम गरेका स्वास्थ्यकर्मीहरुलाई यो अभियानमा विशेष प्राथमिकता दिइने कम्पनीको भनाई छ ।

विशेषगरी विरामीको उपचारमा खटिएका नर्स, डाक्टर, प्यारामेडिक्स, ल्याब टेक्निसियन, क्लिनिकल अनुसन्धानकर्ताहरु तथा फर्मासिस्टहरुलगायतले आफूले चाहेको एउटा गन्तव्यमा निःशुल्क रुपमा एकपटकको यात्रा गर्न पाउनेछन् । यसरी प्रदान गरिने टिकट यात्रा गर्ने स्वास्थ्यकर्मीको गन्तव्य र त्यसमा हुने ट्रान्जिट हेरेर बढीमा २ वटासम्म हुनेछ । साथै यो ‘इकोनोमी क्लास’को हुने कम्पनीले आफ्नो वेबसाईटमा उल्लेख गरेको छ ।

एयरलाईन्सले तोकेको मापदण्ड तथा दर्तालगायतको प्रक्रियामा सहभागीता जनाउन यो लिंकमा क्लिक गरेर आफ्नो विवरण अद्यावधिक गराउन सकिने छ ।



Comment from facebook



थप खबर पढ्नुहोस्
आवास पूर्ननिर्माणको अनुदान लिने अन्तिम मिति पुस १५ : प्राधिकरण आवास पूर्ननिर्माणको अनुदान लिने अन्तिम मिति पुस १५ : प्राधिकरण

२०७७ जेठ २९ गते बिहिबार

०६ नोभेम्बर, २०२०काठमाडौं । भूकम्पले घर भत्काएका वा क्षति...

नेपालमा कोरोना संक्रमणको दर उच्च : २४ घण्टामा २२६ जना नयाँ संक्रमित थपिए नेपालमा कोरोना संक्रमणको दर उच्च : २४ घण्टामा २२६ जना नयाँ संक्रमित थपिए

२०७६ पुष २१ गते सोमबार

०१ जुन, २०२०काठमाडौं । नेपालमा पछिल्ला दिनमा कोरोना संक्रमणको...

क्यान्सरले लग्यो बलिउड अभिनेता इरफानलाई क्यान्सरले लग्यो बलिउड अभिनेता इरफानलाई

२०२६ पुष १७ गते बिहिबार

२९ अप्रिल, २०२०नयाँदिल्ली । चर्चित बलिउड तथा हलिउड अभिनेता...

निलकण्ठ शोकमा, आज सार्वजनिक विदा निलकण्ठ शोकमा, आज सार्वजनिक विदा

२०२६ पुष १७ गते बिहिबार

२२ जनवरी, २०२० धादिङ्ग । धादिङ्गको प्रसिद्ध ढोला मण्डली...

Top