कोरोनाको कारण धुलिखेलमा मृत्यु भएकी सिन्धुपाल्चोककी महिलाको काठमाडौंमा दाहसंस्कार !

Best Khabar Team | २०२६ पुष १७ गते बिहिबार


१६ मे, २०२०
काठमाडौं । बिहीबार राती काभ्रेको धुलिखेल अस्पतालमा ज्यान गुमाएकी सिन्धुपाल्चोक बाह्रबिसेकी २९ वर्षकी एक सुत्केरी महिलाको शव अत्यष्टिका लागि काठमाडौंसम्म ल्याइएको छ । कोरोना संक्रमणको आशंका गरिएकी ती महिलाको अन्त्यष्टिका लागि उनको शव काठमाडौं ल्याइएको हो । तर उनको शव काठमाडौं आइपुग्दा नपुग्दै स्वास्थ्य मन्त्रालयले उनमा कोरोना संक्रमण पुष्टि भएको जनाएको छ ।

शबहानमा राखिएको शवलाई नेपाली सेना र सशस्त्र प्रहरीले अघिपछि स्कर्टिङ्ग गरेर काठमाडौं ल्याइएको प्रहरी स्रोतको भनाई छ । उनको अन्त्यष्टि पशुपतिमा रहेको विद्युतीय शवदाह गृहमा गर्ने तयारी भै रहेको छ । २३ गते काठमाडौंको महाराजगञ्जमा प्रसुति गराएर छोरा जन्म दिएकी राम्चेकी चालिसे थरकी ती महिला २५ गते अस्पतालबाट डिस्चार्ज भएर सिन्धुपाल्चोक फर्केकी थिइन् ।

तर गएको बिहीबार राति एक्कासी स्वासप्रश्वासमा समस्या देखिएपछि उनलाई बाह्रबिसेबाट उपचारका लागि काभ्रेको धुलिखेल अस्पताल ल्याइएको थियो । उपचारकै क्रममा उनको निधन भएपछि स्वाब परीक्षण गरिएको थियो । स्वाब परीक्षणका क्रममा उनका कोरोना पोजेटिभ भेटिएको भएपनि राष्ट्रिय प्रयोगशालाले यसको औपचारिक पुष्टि आज साँझ मात्रै गरेको थियो । तर धुलिखेल अस्पतालमा गरिएको आरडिटी र पिसीआर टेस्ट दुबैमा उनमा कोरोना संक्रमण पुष्टि भएको थियो । यसैबीच वाग्मती प्रदेशका सामाजिक विकास मन्त्री युवराज दुलालले उनको कोरोनाको संक्रमणबाट मृत्यु भएको पुष्टि भएको भन्दै फेसबुकमार्फत् श्रञ्द्धाञ्जली दिएका छन् ।

चिकित्सकहरुको अनुसन्धानबाट उनको मृत्यु कोरोनाकै कारण भएको पुष्टि भएको भन्दै दुलालले सामाजिक सञ्जाल फेसबुकमार्फत् समवेदना व्यक्त गरेका हुन् । बाह्रबिसेकी ती महिलाले २३ गते बैशाख छोरोलाई जन्म दिएकी थिइन् । तर स्वास प्रश्वासमा समस्या आएपछि उनलाई बिहीबार धुलिखेल अस्पतालको अति सघन कक्षमा राखेर उपचार गरिएको थियो । उपचारका क्रममा उनको राति निधन भएपछि उनको स्वाब परीक्षण गर्दा कोरोना संक्रमण भेटिएपछि यसको पुष्टिको लागि स्वाब राष्ट्रिय प्रयोगशालामा पठाईएको थियो । प्रयोगशालाको रिपोर्ट आज साँझ मात्रै प्राप्त भएको छ ।



Comment from facebook



थप खबर पढ्नुहोस्
गोर्खाका अर्याल फ्रान्सको ओभरभिलिय शहरको उपप्रमुख बन्ने दौडमा गोर्खाका अर्याल फ्रान्सको ओभरभिलिय शहरको उपप्रमुख बन्ने दौडमा

२०७६ फाल्गुन १९ गते सोमबार

०३ फेब्रुअरी २०२० पेरिस । युरोपेली मुलुक फ्रान्सको राजधानी...

भारतमा भएको बस दुर्घटनामा ३९ जनाको शव भेटियो, मृतकका परिवारलाई २ लाख रुपैयाँ राहत : प्रधानमन्त्री मोदी भारतमा भएको बस दुर्घटनामा ३९ जनाको शव भेटियो, मृतकका परिवारलाई २ लाख रुपैयाँ राहत : प्रधानमन्त्री मोदी

२०२६ पुष १७ गते बिहिबार

१६ फेब्रुअरी, २०२१नयाँदिल्ली । भारतको मध्य प्रदेशमा आज बिहान...

काठमाडौंका सडकबाट मगन्ते हटाउन सप्ताहव्यापी अभियान काठमाडौंका सडकबाट मगन्ते हटाउन सप्ताहव्यापी अभियान

२०२६ पुष १७ गते बिहिबार

२९ डिसेम्बर, २०१९ काठमाडौं । काठमाडौं महानगरपालिकाले आजदेखि उपत्यका...

युरोपेली मुलुक साइप्रसमा नेपालीले गरे नेपालीको हत्या ((प्रत्यक्षदर्शीको बयानसहित) युरोपेली मुलुक साइप्रसमा नेपालीले गरे नेपालीको हत्या ((प्रत्यक्षदर्शीको बयानसहित)

२०७७ जेठ २३ गते शुक्रबार

०६, मे, २०२०लिंकरोभर, बेल्जियम । युरोपेली मुलुक साइप्रसमा सामान्य...

Top