अमेरिकी राष्ट्रपति पुगे उत्तर कोरियाली भूमिमा

Best Khabar Team | २०७६ असार १६ गते सोमबार

०१ जुलाई, २०१९
वासिङ्टन । अमेरिकी राष्ट्रपति डोनाल्ड ट्रम्प उत्तर कोरियाली भूमिमा पुगेका छन् । विगत केहीवर्षअघिसम्म सत्रुतापूर्ण रहेको उत्तरकोरिया र अमेरिकाबीच पछिल्ला वर्षहरुमा सम्बन्धमा सुधार आएसँगै ट्रम्प उत्तार कोरिया पुगेका हुन् ।

यो सँगै उहाँले कार्यकालमै उत्तर कोरियाको भूमि टेक्ने पहिलो अमेरिकी राष्ट्रपतिको रुपमा समेत नाम दर्ज गराउनुभएको छ । दक्षिण कोरियाको भ्रमणमा रहनुभएका ट्रम्पले उत्तर कोरियामा पुगेर त्यहाँको भूमि टेकेर उत्तर कोरियाली राष्ट्रपतिसँग हात मिलाउनुभएको तस्वीर अन्र्तराष्ट्रिय सञ्चारमाध्यमहरुले प्राथमिकताका साथ छापेका छन् ।

उहाँहरुबीच पछिल्लो समयमा उत्तर कोरिया र अमेरिकाबीचको सम्बन्ध सुधार गर्ने विषयमा करिब आधाघण्टा कुरा भएको बताइएको छ । यस्तै अमेरिकाले उत्तर कोरियालाई निशस्त्रीकरणका लागि आग्रह गरेको भएपनि उत्तरले यो मानेको छैन । भेटघाटपछि दुबै नेताले भेटघाट महत्वपूर्ण भएको र यसले दुईदेशबीचको छलफल र सम्बन्धमा थप निकटता ल्याउने विश्वास व्यक्त गर्नुभएको थियो ।