विश्व स्वास्थ्य संगठन भन्छ : ‘एडस् जस्तै कोरोना भाइरस पनि सँधै जीवित रहनसक्छ’

Best Khabar Team | २०२६ पुष १७ गते बिहिबार


१४ मे, २०२०
जुरिच, स्वीट्जरल्याण्ड । विश्वव्यापी महामारीको रुपमा फैलिएको कोरोना भाइरस (कोभिड- १९) ले पछिल्ला दिनमा आफ्नो स्वरुप बदल्दै गएको भन्दै यो सँधै जीवित रहनसक्ने चेतावनी विश्व स्वास्थ्य संगठन (डब्लुएचओ) ले दिएको छ । विगतमा महामारीको रुपमा रहेको इबोला, स्पेनिस फ्लु, एड्स, दादुराजस्ता भाइरस अहिलेपनि अस्तित्वमा रहेकोतर्फ संकेत गर्दै डब्लुएचओले कोरोना भाइरस पनि लामो समयसम्म अस्तित्वमा रहनसक्ने चेतावनी दिएको हो ।

स्वीट्जरल्याण्को जेनोभास्थित डब्लुएचओ मुख्य कार्यालयमा हिजो अपरान्ह आयोजित पत्रकार सम्मेलनमा आपतकालिन निर्देशक डाक्टर माइक रायनले कोरोना भाइरसको भ्याक्सिन बनाउनका लागि विश्वका एकसय भन्दा बढी स्थानमा हजारौं चिकित्सकले अबौं खर्च गरिरहेको भएपनि अहिलेसम्म भ्याक्सिन बन्छ नै भन्ने ठोकुवा गर्न नसकिने बताए । उनले पछिल्ला दिनमा कोरोना भाइरसले आफ्नो स्वरुप परिवर्तन गर्दै गएको भन्दै नागरिकलाई आफू र आफ्नो परिवारको स्वास्थ्यको लागि विशेष सावधानी अपनाउन आग्रह गरे ।

उनले डब्लुएचओको निर्देशनलाई अक्षरसः पालना गरिए रोगबाट हुने क्षति कमगर्न सकिने बताए । कोरोनाका कारण विश्वभर करिब ३ लाखको हाराहारीमा मानिसहरुले ज्यान गुमाउँनै लाग्दा विश्व स्वास्थ्य संगठनले यो भनाई सार्वजनिक गरेको हो । रायनले भ्याक्सिन बनिहाले पनि तत्काल यसले केही महिनाभित्र कोरोना उन्मुलन गर्न असम्भव हुने बताए । यो लामो समयसम्म अस्तित्वमा रहेपनि यसको परिवर्तत रुपले क्षति कम गर्नसक्ने भन्दै यसलाई गम्भीरताका लागि लिन उनले सबैलाई आग्रह गरे ।

विगतमा लाखौं मानिसको ज्यान लिएको स्वाईन फ्लु, एड्सजस्ता प्राणघातक रोगको भाइरस अहिले पनि अस्तित्वमा रहेको स्मरण गराउँदै उनले भोलिका दिनमा कोरोना पनि अस्तित्वमा रहिरहन सक्ने सम्भावना बढी भएको बताए । रोग प्रतिको उच्च सतर्ककता, सावधानी नै यसलाई हराउने एउटा मात्रै प्रभावकारी उपाय भएको संगठनको भनाई छ ।



Comment from facebook



थप खबर पढ्नुहोस्
कोरोना संक्रमणबाट भयभित बन्दै विश्व : कहाँ के भयो ? (विश्वभरको पछिल्लो अपडेटसहित) कोरोना संक्रमणबाट भयभित बन्दै विश्व : कहाँ के भयो ? (विश्वभरको पछिल्लो अपडेटसहित)

२०२६ पुष १७ गते बिहिबार

१ मार्च, २०२०काठमाडौं । चीनको हुवेई प्रान्तबाट करिब साढे...

सिन्धुपाल्चोकमा भीषण पहिरो : ३० घरमाथि पहिरो खस्यो, कम्तीमा ३ दर्जन स्थानीय वेपत्ता सिन्धुपाल्चोकमा भीषण पहिरो : ३० घरमाथि पहिरो खस्यो, कम्तीमा ३ दर्जन स्थानीय वेपत्ता

२०२६ पुष १७ गते बिहिबार

१४ अगस्ट, २०२०बाह्रबिसे, सिन्धुपाल्चोक । अविरल वर्षापछि आएको पहिरोमा...

उदयपुर भुल्केका ८ जनामा कोरोना आशंका : थप परीक्षणका लागि स्वाब धरान पठाईयो उदयपुर भुल्केका ८ जनामा कोरोना आशंका : थप परीक्षणका लागि स्वाब धरान पठाईयो

२०२६ पुष १७ गते बिहिबार

२१ अप्रिल, २०२०गाईघाट । उदयपुरको भुल्केस्थित एकै गाउँका ८...

ललितपुर दुर्घटना : एक पत्रकार र एक कलाकारको ज्यान गयो ललितपुर दुर्घटना : एक पत्रकार र एक कलाकारको ज्यान गयो

२०७५ माघ २३ गते बुधबार

०२ जुन, २०१९ काठमाडौं । उपत्यकाको ललितपुरमा आज भएको...

Top