चितवनका दुबै संक्रमितले जिते कोरोना, ६३ वर्षकी महिला आज डिस्चार्ज

Best Khabar Team | २०७७ बैशाख ३१ गते बुधबार

१३ मे, २०२०
भरतपुर । करिब १ महिनाअघि कोरोना संक्रमण भएर चितवनको भरतपुरस्थित कोरोना अस्पतालमा उपचाररत ६३ वर्षकी महिला कोरोना मुक्त भएकी छन् । चितवन राप्ती नगरपालिका–८ ब्रह्मनगरकी ती बृद्दमा लगातार गरिएको परिक्षणका क्रममा कोरोना संक्रमण नेगेटिभ आएपछि उनलाई आज अस्पतालले डिस्चार्ज गरिदिएको छ । डिस्चार्ज भएसँगै उनी आजै घर फर्केकी छिन् ।

यसअघि उनका छोरा पनि कोरोना संक्रमणमा परी सोही अस्पतालमा उपचाररत थिए । तर उनले भने १४ दिन अघि नै कोरोनालाई जितेर घर फर्केका थिए । उनीहरु केही समयअघि लण्डनबाट काठमाडौं हुँदै चितवन पुगेका थिए । गत चैत्रको पहिलो साता नेपाल आएका उनीहरुमा चैत्रको तेश्रो साता कोरोना संक्रमण पुष्टि भएको थियो । यो सँगै अब चितवनमा कोरोना संक्रममितको संख्या सुन्य भएको जिल्ला प्रशासन कार्यालयले जनाएको छ ।