Best Khabar Team | २०७७ मंशिर २० गते शनिबार

---

१२ मे, २०२०
चरिकोट । एकैदिन ८३ जना कोरोना संक्रमित भेटिएपछि एकाएक कोरोनाको सन्त्रास बढेकै दिन नेपालमा आज मध्यरातमा भूकम्प गएको छ । नेपाली समय अनुसार आज राति ११ बजेर ५३ मिनेट जाँदा भूकम्प गएको हो ।

राष्ट्रिय भूकम्प मापन केन्द्रले दिएको जानकारी अनुसार दोलखा जिल्लाको जुगुलाई केन्द्र बनाएर गएको सो भूकम्प ५ दशमलव ३ रेक्टर स्केलको मापन गरिएको छ । भूकम्पको धक्का पश्चिममा पोखरा र पूर्वमा उदयपुरसम्म महशुस भएको थियो । यस्तै भारत र चीनका केही भूभागमा समेत भूकम्पको धक्का महशुस गरिएको बताइएको छ ।

काठमाडौं उपत्यका र आसपासमा पनि भूकम्पको धक्का राम्ररी महशुस भएपछि कतिपय मानिसहरु आत्तिएर मध्यरातमा घर बाहिर निस्केका थिए । कोरोनाका कारण सिँगो देश लकडाउनमा भएका बेला एक्कासी मध्यरातमा भूकम्प गएपछि मानिसहरु त्रसित बनेका छन् ।

आज राति गएको सो भूकम्प २०७२ सालमा गोर्खाको बारपाक केन्द्रबिन्दु बनाएर आएको भूकम्पकै पराकम्पन भएको बताइएको छ । भूकम्पले कुनै जनधनको क्षति भएको जानकारी प्राप्त भएको छैन ।

---

Comment from facebook