देशभर १०९ जनामा कोरोना संक्रमण पुष्टि, २७ जनाको उपचार सफल

Best Khabar Team | २०७७ बैशाख २७ गते शनिबार

०९ मे, २०२०
काठमाडौं । देशभर कोरोना संक्रमितको संख्या १ सय ९ पुगेको छ । स्वास्थ्य मन्त्रालयले आज जारी गरेको विज्ञप्ति अनुसार देशभरबाट थप ३ महिला र ४ पुरुष गरी ७ जनामा कोरोना संक्रमण पुष्टि भएको हो । मन्त्रालयका अनुसार उदयपुरको भुल्केकी १८, ४५ र ६५ वर्षकी ३ जना महिलामा कोरोना संक्रमण देखिएको हो ।

विराटनगरस्थित प्रयोगशालामा गरिएको परीक्षणका क्रममा उनीहरुमा कोरोना संक्रमण पुष्टि भएको हो । यस्तै सोही प्रयोगशालामा गरिएको परीक्षणका क्रममा कपिलबस्तुका १७, १८ र १८ बर्षका ३ जना युवकमा कोरोना संक्रमण पुष्टि भएको छ । यस्तै पर्साको छपकैयामा ६२ वर्षका एक पुरुषमा पनि कोरोना संक्रमण देखिएको छ ।

मन्त्रालयका अनुसार उनीहरु सबैको अवस्था सामान्य रहेको छ । मन्त्रालयका अनुसार देशभर अहिले कोरोना संक्रमितको संख्या १ सय ९ पुगेको छ । ती मध्ये २७ जनाको उपचार सफल भै घर फर्केका छन् ।

Comment from facebook