Best Khabar Team | २०७७ जेठ २३ गते शुक्रबार
०६ मे, २०२०
काठमाडौं । सरकारले विगतमा माओवादीले जर्वजस्ती बन्द गराएको संस्कृत भाषाको पठनपाठन पुनः सञ्चालन गर्ने तयारी गरेको छ । शिक्षा मन्त्रालय र पाठ्यक्रम विकास केन्द्रले यही शैक्षिक सत्रबाट लागूहुने गरी कक्षा १ देखि नै संस्कृत विषयको पढाई शुरु गर्न लागेको हो । हाल कक्षा १ देखि ८ कक्षा सम्म संस्कृत विषयको पठनपाठन गराईने पाठ्यक्रम विकास केन्द्रले जनाएको छ ।
जसका लागि पाठ्यक्रम नै तयार भै सकेको र शैक्षिक सत्र शुरु भएलगत्तै पाठ्य पुस्तकहरु पनि बजारमा उपलब्ध गराउने तयारी भै रहेको बताइएको छ । हालै पाठ्यक्रम विकास केन्द्रले कक्षा एकमा पढाउन बनाइएको संस्कृत शिक्षा विषयको पाठ्यक्रमलाई स्वीकृति समेत दिइसकेको छ । केन्द्रका अनुसार पुस्तकको नाम हाम्रो संस्कृत अर्थात् संस्कृतमा ‘अस्माकम संस्कृत’ दिइएको छ ।
विगतमा माओवादी युद्दताका कक्षा ४ देखि ८ सम्म संस्कृत विषय पढाई हुने गरेको भएपनि माओवादीले स्कुल स्कुल छिरेर संस्कृत विषयको पुस्तक च्यात्दै शिक्षकमाथि नै कुटपिट गर्न थालेपछि संस्कृत पठनपाठन बन्द भएको थियो । माओवादी युद्द उत्कर्षमा पुगेर पुस्तकहरु च्यात्ने, संस्कृत पठाउने शिक्षकमाथि कुटपिट र दुव्र्यबहार गर्न र विद्यार्थीहरुमाथि नै कारबाही गर्ने काम भएपनि २०५७ सालपछि विद्यालयहरुले संस्कृतको पठनपाठन बन्द गरेका थिए ।यो विषयलाई अनिवार्य नबनाइएको भएपनि इच्छुक विद्यालयहरुले पाठ्यक्रममा संस्कृतलाई समावेश गर्न सक्नेछन् ।
२०२६ पुष १७ गते बिहिबार
१८ मार्च, २०२०काठमाडौं । विश्वव्यापीरुपमा महामारीको रुपमा फैलिएको कोरोना...
२०७६ बैशाख २९ गते आइतबार
०५ डिसेम्बर, २०१९ काठमाडौं । विगत १० दिनदेखि राजधानीको...
२०७६ पुष २१ गते सोमबार
०१ जुन, २०२०नयाँदिल्ली । बलिउडका चर्चित संगीतकर्मी वाजिद खानको...
२०२६ पुष १७ गते बिहिबार
२८ अगस्ट, २०२०लेकसाईट, पोखरा कास्की । चार नम्बर प्रदेश...
Top