विरलै देखिने घटना : शव जलाउँदै गर्दा एक्कासी खोला उर्लेर आएपछि…….(भाइरल भिडियो )

Best Khabar Team | २०७७ बैशाख १५ गते सोमबार

२७ अप्रिल, २०२०
कन्याम । इलाममा आज दिउँसो ज्यान गुमाएका एक व्यक्तिको शव जलाउँदै गर्दा एक्कासी खोला उर्लेर आएपछि जलाईरहेको शव नै बगाएको छ । सो घटनाको विषयमा खिचिएको भिडियो यतिबेला फेसबुकमा भाइरल भएको छ ।

शव जलाउँदै गर्दा एक्कासी माथिबाट फाकखोलामा धमिलो पानीसहित खोलाको शतह बढेपछि जलाउँदै गरेको शव पनि खोलाले बगाएर लगेको छ । यो घटनाको भिडियो इलामको फाकपोकथुम गाउँपालिकाका कम्प्युटर अपरेटर टि एन सारुमगरले आफ्नो फेसबुकमा राखेका छन् । गाउँपालिकामै पर्ने फाकखोला दिउँसो एक्कासी विना वर्षाद् नै उर्लिएर आएको हो । तर खोलामा उर्लिएर आएको पानी हेर्दा माथितिर बर्षात् भएको अनुमान लगाउन सकिन्छ ।

खोला सान्त भएपछि पुनः सो शवको अन्त्यष्टि गरिएको बताइएको छ । विरलै देखिन यस्तो घटना भएर पनि होला यतिबेला फेसबुकमा यो भिडियो भाइरल बनेको छ ।

हामीले यो भिडियो उनै सारुमगरको फेसबुक पेजबाट साभार गरेका हौं । यो घटनाबाट खोलाको बीचमा वा खोला छेउमा कुनै काम गर्दा प्रशस्त सावधानी अपनाउनुपर्नेतर्फ सबैलाई सचेत समेत गराएको छ । भिडियो हेर्न तलको युट्युव लिंकमा क्लिक गर्नुहोला ।