झापामा थपिए अर्का कोरोना संक्रमित, देशभर संक्रमितको संख्या ५२ पुग्यो

Best Khabar Team | २०२६ पुष १७ गते बिहिबार

२६ अप्रिल, २०२०
दकम । पूर्वी नेपालको झापामा कोरोना संक्रमित थपिएका छन् । झापा दकमका ५० वर्षका एक पुरुषको कोशी अञ्चल अस्पतालमा गरिएको स्वाब परीक्षणका क्रममा कोरोना देखिएको स्वास्थ्य तथा जनसंख्या मन्त्रालयले जनाएको छ ।

योसँगै अब नेपालमा कोरोना संक्रमितको संख्या ५२ पुगेको छ । आज भेटिएका संक्रमित स्थानीय वासिन्दा भएको र उनी विदेश तथा अन्यत्र कतै नगएको बताइएको छ । उनको हाल कोशी अञ्चल अस्पतालको आइसोलेसन वार्डमा उपचार भै रहेको छ । उनको अवस्था सामान्य रहेको छ । यसअघि केहीदिनअघि दकममै अर्का एक संक्रमित भेटिएका थिए ।

यसैबीच आज वीरगञ्जमा उपचार गराईरहेका ४ जना कोरोना संक्रमित निको भएर घर फर्केका छन् । उनीहरुमध्ये ३ जना भारतीय नागरिक रहेको बताइएको छ ।