कोरोना संक्रमणबाट निको हुनेको संख्या १२ पुग्यो

Best Khabar Team | २०७७ बैशाख १३ गते शनिबार

२५ मार्च, २०२०
चितवन । । नेपालमा कोरोना संक्रमणलाई जितेर स्वास्थ्यलाभ गर्नेको संख्या १२ पुगेको छ । पछिल्लो समयमा चितवनका एक युवकले कोरेना संक्रमणलाई जितेका हुन् । उनलाई आज भरतपुरस्थित अस्पतालले डिस्चार्ज गरिदिएको छ ।

उनलाई अस्पतालले डिस्चार्ज गरिदिएपनि उनकी आमा अस्पतालमै उपचारत रहेकोले उनी केही दिन अस्पतालमै रहने भएका छन् । केहीसमयअघि बेलायतमा सँगै फर्केका आमाछोरामा कोरोना भेटिएको थियो । आज डिस्चार्ज भएका युवक आमा निको भएपछि उनी सँगै घर जाने भन्दै अस्पतालमै बसेका हुन् ।

उनलाई अहिले अस्पतालभित्रै तर कोरोना आइसोलेसन भन्दा टाढाको बेडमा रारिएको छ । चैत्र ३ गते बेलायतबाट फर्केका पूर्वी चितवन राप्ती नगरपालिका–८ ब्रह्मनगरका यी युवकमा गएको बैशाख ५ गते कोरोना संक्रमण पुष्टि भएको थियो । यस्तै यसअघि हिजोमात्रै बाग्लुङ्गकी एक युवतीपनि कोरोनालाई जित्दै अस्पतालबाट घर फर्केकी छिन् । यसअघि देशका विभिन्न ठाउँमा १० जना कोरोना संक्रमितको सफल उपचार सम्पन्न भै सकेको छ ।

हाल आइसोलेसनमा रहेका ३७ जनाको देशका विभिन्न अस्पतालमा उपचार जारी छ । ती मध्ये ३ जना भारतीय नागरिक रहेका छन् ।

Comment from facebook