कोरोना संक्रमित मध्ये थप दुईजना डिस्चार्ज, ७ जनाले कोरोनालाई जिते

Best Khabar Team | २०७७ बैशाख १० गते बुधबार

२२ अप्रिल, २०२०
कञ्चनपुर । कोरोना संक्रमित भै अस्पतालमा उपचाररत थप दुईजना डिस्चार्ज भएका छन् । यसरी डिस्चाज हुनेमा धादिङ्ग र कञ्चनपुरका दुई पुरुष रहेका छन् । भारतबाट आएका कञ्चनपुरका सुनार थरका एक युवकमा चैत्र २२ गते कोरोना संक्रमण पुष्टि भएको थियो । १८ दिनसम्म अस्पतालमा उपचारपछि उनी घर फर्केका हुन् ।

यस्तै साउदीबाट फर्केका धादिङ्गका ३१ वर्षका युवक पनि आजै अस्पतालबाट डिस्चार्ज भएका छन् । उनी करिब १ महिना अस्पतालमा बसेपछि काठमाडौंको टेकु अस्पतालले आज उनलाई डिस्चार्ज गरेको हो । डिचार्ज भएपनि उनका परिवार लकडाउनका कारण काठमाडौं आउन नपाएपछि उनी भोलिमात्रै धादिङ्ग फर्कने छन् । योसँगै नेपालमा कोरोना संक्रमित भै अस्पतालमा उपचार गरी घर फर्कनेको संख्या ७ पुगेको छ ।

Comment from facebook