नेपालमा कोरोना : ४२ पुगे संक्रमित, आजमात्रै ११ जना थपिए

Best Khabar Team | २०२६ पुष १७ गते बिहिबार

२१ अप्रिल, २०२०
काठमाडौं । नेपालमा कोरोना संक्रमितको संख्या ४२ पुगेको छ । उदयपुरको त्रियुगापालिकास्थित भुल्केका ८ जनामा आज कोरोना संक्रमण भएको पुष्टि भएको हो । कोरोना संक्रमणको आशंकामा विराटनगरमा गरिएको स्वाब परीक्षणमा पोजेजिभ देखिएपछि थप परीक्षणका लागि उनीहरुको स्वाब धरानस्थित विपी कोइराला स्वास्थ्य विज्ञान प्रतिष्ठानमा पठाईएको थियो ।

प्रतिष्ठानमा गरिएको परीक्षणमा उनीहरु सबै अर्थात् आठै जनाको पोजेटिभ रिपोर्ट आएको हो । यसअघि आजै उदयपुरका ३१ वर्षका युवकमा पनि कोरोना संक्रमण भएको पुष्टि स्वास्थ्य मन्त्रालयले पत्रकार सम्मेलन मार्फत गराएको थियो । बाँकी दुई जनामा एकजना महिला र अर्का पुरुष रहेको स्वास्थ्य तथा जनसंख्या मन्त्रालयले जारी गरेको विज्ञप्तिमा उल्लेख छ । करिब एक साताअघि उदयपुरको त्रियुगा नगरपालिकास्थित सोही क्षेत्रमा रहेको एउटा मस्दिजमा रहेका १३ जनामा कोरोना संक्रमण भेटिएको थियो ।

**स्वास्थ्य मन्त्रालयले आज साँझ जारी गरेको विज्ञप्ति**

उनीहरुको हाल कोशी अञ्चल अस्पतालको आइसोलेसनमा उपचार भै रहेको छ । उनीहरुमा कोरोना भेटिएपछि नेपाली सेनाले सो क्षेत्रमा रहेको गाउँलाई शिल गरेर उनीहरुको नमुना परिक्षण गरेको थियो । यो सँगै स्वास्थ्य मन्त्रालयले नेपालमा हालसम्म ४२ जनामा कोरोना संक्रमण भएको पुष्टि गरेको । यी मध्ये ५ जना उपचारपछि घर फर्केका छन् । ।