त्रिभुवन विश्वविद्यालयका सहायक डिन ५० हजार घुस रकम सहित पक्राउ

Best Khabar Team | २०७६ असार ४ गते बुधबार

१९ जुन, २०१९
काठमाडौ । त्रिभुवन विश्वविद्यालय किर्तिपुर अन्र्तगत विज्ञान संकायका सहायक डीन घुस रकमसहित रंगेहात पक्राउ परेका छन् । त्रिवि विज्ञान संकायका सहायक डीन शम्भुप्रसाद पटेललाई अख्तियार दुरुपयोग अनुसन्धान आयोगको टोलीले आज घुस रकमसहित पक्राउ परेको हो ।

अख्तियार स्रोतका अनुसार पटेललाई किर्तिपुर ट्यांग्ला फाँटको एक चियापसलबाट नियन्त्रणमा लिएको थियो । उनले एक क्याम्पसको सम्बन्धन नविकरण गरिदिने भन्दै घुस लिएका थिए । उनले खुस मागेको सूचनाको आधारमा अख्तियारको टोलीले पटेललाई पछ्याउँदै जाँदा सो चियापसलबाट घुस बापत लिएको रकम सहित नियन्त्रणमा लिएको थियो ।

आयोगका अनुसार पक्राउ परेका पटेलको घुस रकमको विषयमा अख्तियारले थप अनुसन्धान अघि बढाएको छ ।

Comment from facebook