Best Khabar Team | २०७६ चैत्र २५ गते मंगलबार

०७ मार्च, २०२०
बेइजिङ्ग । गत डिसेम्बरको अन्तिम साताबाट चीनको बुहान प्रान्तबाट फैलिएको कोरोना संक्रमण यतिबेला विश्वव्यापी बन्दै गएको छ । कोरोनाकै कारण हालसम्म विश्वभर पौने १ लाख भन्दा बढी (यो समाचार तयार पार्दासम्म ७६ हजार ३ सय ८३ जना) को ज्यान समेत गै सकेको छ भने १० लाख भन्दा बढी संक्रमित बनेका छन् ।
तर कोरोनाको केन्द्रविन्दुको रुपमा रहेको चीनमा भने पछिल्ला दिनहरुमा कोरोना संक्रमित र मृतकको संख्या ह्वात्तै घटेको छ । सबैभन्दा खुसीको कुरा त के छ भने चीनमा पछिल्लो २४ घण्टामा कोरोनाबाट एकजनाले पनि ज्यान गुमाउनु परेको छैन । कोरोनासम्बन्धी विश्वव्यापी तथ्यांक अद्यावधिक गर्ने ओल्डोमिटर डटकमअनुसार पछिल्लो २४ घण्टामा चीनमा कोरोनाका ३२ जना मात्रै नयाँ संक्रमित देखिएका छन् । हिजो यही समयमा कोरोनाका ३९ जना नयाँ संक्रमित भेटिएका थिए । हिजो कोरोनाका कारण यही समयसम्ममा चीनका मात्रै २ जनाको ज्यान गएको थियो । यो तथ्यांकलाई आधार मान्दा चीनले विस्तारै कोरोनाको युद्द जितेको छ भने यहाँको विस्तारै जनजीवन सामान्यतर्फ उन्मुख बन्दै गएको छ ।

चीनमा हालसम्म कोरोनाका कारण ३ हजार ३ सय ३१ जनाको ज्यान गएको छ । पछिल्लो ३ साता यता मृतकको संख्या पनि एकदमै न्यून मात्रै देखिएका कारण चीन विस्तारै सामान्य जनजीवनतर्फ उन्मुख हुँदैछ । उद्योग तथा कलकारखना पछि कतिपय राज्यमा पछिल्ला ३ साता यता सञ्चालनमा रहेका छन् । बुहान पनि विस्तारै सामान्य जीवनजीवनतर्फ उन्मुख हुँदैछ । सडकमा मानिसहरुको उपस्थिति पनि विस्तारै बाक्लिन थालेको छ ।

चीनमा हाल कोरोना संक्रमित भै अस्पतालमा उपचार गराईरहेका १ हजार २ सय ९९ जना मध्ये २ सय ६५ को अवस्था मात्रै गम्भीर छ । यो सबै तथ्यांकलाई आधार बनाउँदा चीनले कोरोना विरुद्धको युद्धलाई विस्तारै जितेको छ भने जनजीवन पनि विस्तारै सामान्यतर्फ उन्मुख छ । चीनमा हालसम्म कोरोना संक्रमितको संख्या ८१ हजार ७ सय ८ रहेको छ । जुन तथ्यांकमा मृतक तथा अस्पतालमा उपचाररत समेत पर्दछन् ।

स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
आफ्ना २० सैनिक मारिएपछि चीनसँगको आगामी रणनीति तय गर्दै भारत, शुक्रबार सर्वदलीय बैठक आह्वान
२०७७ असार ३ गते बुधबार
१७ जुन, २०२०नयाँदिल्ली । भारत र चीनबीचको सीमावर्ती क्षेत्र...
रुसको मस्कोमा एक सांगीतिक कार्यक्रममा आतंककारी आक्रमण : ४० को मृत्यु, सयौं घाइते – आइएसआइएसले लियो घटनाको जिम्मेबारी
२०८० चैत्र ९ गते शुक्रबार
२२ मार्च, २०२४लिंकरोभर, बेल्जियमरुसको राजधानी मस्कोमा रहेको एउटा कन्सर्टस्थलमा...
बेलायतकी रानी एलेजावेथका श्रीमानको ९९ वर्षमा निधन
२०७७ चैत्र २७ गते शुक्रबार
०९ अप्रिल २०२१वेस्टह्याम, लण्डन । बेलायतकी महारानी एलेजावेथ द्वितीयका...
‘लकडाउन’को समय थपियो, अब चैत्र २५ गते राति १२ बजेसम्म ‘लकडाउन’
२०७६ चैत्र १६ गते आइतबार
२९ मार्च, २०२० काठमाडौं । सरकारले कोरोना भाइरसको संक्रमणबाट...
Top