Best Khabar Team | २०२६ पुष १७ गते बिहिबार

---

३० मार्च, २०२०
धादिङ्गबेसी । धादिङ्गको गंगाजमुना गाउँपालिकाले पछिल्लो ३ सातायता विश्वका विभिन्न मुलुकमा पुगेर गाउँ फर्केका गाउँलेहरुको नाम, ठेगाना र मोबाइल नम्बर समेत सार्वजनिक गरेको छ । गाउँपालिकाको यो काम कोरोना संक्रमण नियन्त्रण र सचेतनाका लागि महत्वपूर्ण कमद भएको भन्दै स्थानीय वासिन्दाले खुसी व्यक्त गरेका छन् ।

गाउँपालिकाले विदेशबाट आएकाहरुको नामाबली, ठेगाना र कतिपयको मोबाइल नम्बरसमेत सार्वजनिक गर्दा एक ती व्यक्ति स्वयं सेल्फ आइसोलेनमा बस्ने र उनीहरुसँग सम्पर्कमा रहेकाहरुले समेत आफूलाई आइसोलेसनमा राख्न पाउने छन् । जसका कारण गाउँमा कोरोना भाइरसको सम्भावित जोखिम फैलन पाउने छैन । गाउँपालिकाले पछिल्लो ३ सातायता रोजगारी तथा भ्रमणका लागि विश्वका विभिन्न मुलुक पुगेर गाउँ फर्केका ३० जनाको नामाबाली आज सार्वजनिक गरेको हो ।

उनीहरु हाल आफ्नै घरमा आइसोलेसनमा रहेको र उनीहरुको अवस्था सार्वजनिक रहेको गाउँपालिकाको भनाई छ । गाउँमा कोरोनाको संक्रमण फैलन नदिन र आवश्यक जनचेतना फैलाउनका लागि गाउँपालिकाले पालिका भित्रपर्ने विभिन्न वडामा जनचेतनामूलुक कार्यक्रमहरु गर्दै आएको छ । सम्भावित कोरोनाको जोखिमलाई कम गर्नका लागि गाउँपालिकाले अहिले वडाका विभिन्न स्थानमा क्वारेन्टाइन सेन्टर समेत निर्माण गरिसकेको छ ।

यस्तै सरकारले गरेको लकडाउनलाई पूर्णरुपमा पालन गर्न र कोरोनासंक्रमणको आशंका लागेमा नजिकको स्वास्थ्य चौकी र गाउँपालिकाका पदाधिकारीहरुलाई जानकारी गराउन अनुरोध समेत गरेको छ । त्यसो त छोटो समयमै गंगाजमुना गाउँपालिकाले पालिका भित्र्पर्ने धादिङ्गको फूलखर्क, बुढाथुम, बसेरीलगायतका क्षेत्रमा विभिन्न खाले विकास निमार्णका काम अघि बढाएको छ ।

यस्तै स्थानीयको स्वास्थ्य, शिक्षालगायत व्यक्तिगत आधारभूत आवश्यकताका तथा सूचना, सञ्चार र जनचेतनालगायतका विषयलाई उच्च प्राथमिकतामा राखेर गाउँपालिकाले काम अघि बढाउँदै आएको छ ।

---

Comment from facebook