न्युजिल्याण्डमा पनि आपत्कालको घोषणा : एक महिना सिँगो देश ‘लकडाउन’

Best Khabar Team | २०७६ चैत्र १२ गते बुधबार

२५ मार्च, २०२०
विलिङ्गटन । न्युजिल्याण्डमा पनि कोरोनाको संक्रमण चुलिँदै गएपछि यहाँको सरकारले सिँगो देशभर आपतकालको घोषणा गरेको छ । कोरोना भाईरसका संक्रमितहरुको संख्या बढ्दै गएपछि स्थनीय समय अनुसार आजराति १२ बजेबाट लागूहुने गरी आगामी एक महिनाको लागि सिँगो देश लकडाउन गर्ने घोषणा यहाँको सरकारले गरेको हो ।

आपतकालको अवस्थामा देशमा आवश्यकता अनुसार सेना तथा प्रहरी परिचालन गरिने सरकारी घोषणामा उल्लेख छ । न्यूजिल्याण्डमा यो समाचार तयार पार्दासम्म २ सय ५ जनामा कोरोनाको संक्रमण देखिएको छ । कोरोनाका कारण अहिलेसम्म कसैले ज्यान गुमाउनु परेको छैन भने उपचारपछि २२ जना घर फर्किएका छन् । गएको फेब्रुअरी महिनामा यहाँ पहिलोपटक कोरोना संक्रमित भेटिएका थिए ।

न्युजिल्याण्डमा आपातकालीन अवस्थाको घटना यो दोस्रो हो । यसअघि सन् क्राइस्ट चर्चमा भूकम्पका बेला यहाँ आपत्कालको घोषणा गरिएको थियो । आपतकालको घोषणा सँगै सरकारले आजबाट सुपरमार्केट, मेडिकल सेन्टर, औषधी पसललगायत अत्याश्यकीय सेवा प्रवाह गर्नेबाहेक अन्य स्थल बन्द गर्न निर्देशन दिएको छ भने अत्यावश्यक काम बाहेक आम नागरिकलाई घरबाहिर निस्कन पनि निधेष गरिएको छ ।

Comment from facebook