रसियाको कुरिरमा ७ दशमलव ५ रेक्टर स्केलको शक्तिशाली भूकम्प

Best Khabar Team | २०७६ चैत्र १२ गते बुधबार

२५ मार्च, २०२०
मस्को । विश्वमा कोरोना भाइरसले प्रकोपको महामारीको रुप लिइरहेका बेला रसियामा शक्तिशाली भूकम्प गएको छ । स्थानीय समय अनुसार बिहान २ बजेर ४९ मिनेट जाँदा ७ दशलव ५ रेक्टर स्केलको भूकम्प गएको हो ।

रसियाको कुरिल आइल्याण्डलाई केन्द्रबिन्दु बनाएर आएको सो भूकम्पपछि एकहजार किलोमिटरसम्म सुनामीको चेतावनी दिइएको भएपनि अहिले भने त्यसको सम्भावना एकदमै न्यून रहेको अमेरिकी भूगर्भसम्बन्धी अध्यन गर्ने संस्था ‘युएस जियोलोजिकल सर्भे’ले जनाएको छ । भूकम्प कुरिर आइसल्याण्डको ५९ किलोमिटर तल केन्द्रबिन्दु रहेको बताइएको छ ।

सो भूकम्पका कारण रसियामा के कति क्षति पुग्यो भन्ने समाचार अहिलेसम्म आइसकेको छैन । तर भूकम्पको धक्का निक्कै ठूलो भएको बताइएको छ । भूकम्पको केन्द्रविन्दु जापानको सापारो शहरबाट १ हजार ४ सय किलोमिटर उत्तरपूर्वमा रहेको बताइएको छ ।

भूकम्पको धक्का जापानमा पनि महशुस गरिएको थियो । रसियाको कुरिस आइसल्याण्ड जापानको उत्तरी आइसल्याण्डको रुपमा पनि परिचित छ ।

Comment from facebook