चैत्र १० देखि एक हप्ताका लागि दुबै छिमेकी देशसँगको सीमा नाका बन्द गरिने

Best Khabar Team | २०७६ चैत्र ९ गते आइतबार

२२ मार्च, २०२०
काठमाडौं । सरकारले कोरोना भाइरसको संक्रमणको पूर्व तयारीका लागि भन्दै नेपालसँग सिमा जोडिएका दुबै छिमेकी देशसँगको सीमा नाका बन्द गर्ने निर्णय गरेको छ । चीन र भारत दुबै देशमा कोरोना भाइरसको प्रकोप देखिएको र यी देशसँगको सीमा नाका खुल्लागर्दा संक्रमितहरु आउजाउ गर्नसक्ने भन्दै भोलिदेखि लागूहुने एकसाताका लागि सीमानाका बन्द गर्ने निर्णयमा सरकार पुगेको हो ।

मन्त्रीपरिषद्को आज बसेको बैठकले बैठकले चैत्र १० गतेदेखि लागू हुने गरी नेपाल भारत र नेपाल चीनबीचका सबै नाकाहरु बन्द गर्ने निर्णय गरेको हो । भोलि बिहान १० बजेदेखि सीमा बन्द गर्ने निर्णय कार्यान्वय गरिने समितिको भनाई छ ।

हाल भारतमा अध्ययन तथा रोजगारीका लागि गएका हजारौं मानिसहरु सीमानाका हुँदै नेपाल आउन थालेसँगै कोरोनाको जोखिम पनि बढ्दै गएको भन्दै सरकारलाई नाकाबन्द गर्न आम नागरिकले विभिन्न माध्यमबाट दबाब दिएका थिए ।