पेट्रोलियम पदार्थको मूल्य समायोजन

Best Khabar Team | २०२६ पुष १७ गते बिहिबार

१६ जुन, २०१९
काठमाडौं । नेपाल आयल निमगले आज मध्यरातदेखि लागू हुने गरी पेट्रोलियम पदार्थको मूल्य घटाएको छ । नियमित रुपमा पेट्रोलियम पदार्थको मूल्य स्वचालित प्रणालीबाट समायोजन गर्दै आएको निगमले यो पटक पेट्रोल, डिजेल र मट्टितेलको मूल्य घटाएको हो ।

भारतीय आयल कर्पोरेशनले मूल्य घटेको नयाँ सूची पठाएपछि नेपाल आयल निगमले पनि मूल्य घटाएको निगम स्रोतको भनाई छ । निगमले आजराति १२ बजेदेखि लागू हुनेगरी पेट्रोल, डिजेल र मट्टितेलमा प्रति लिटर दुई दुई रुपैयाँको मूल्य घटाएको छ । नयाँ मूल्य सूची अनुसार पेट्रोल प्रतिलिटर १ सय ८ रुपैयाँमा कारोबार हुने छ ।

यसअघि पेट्रोलको मूल्य ११० रुपैयाँ थियो । यस्तै, डिजेल तथा मट्टीतेल प्रतिलिटर ९६ रुपैयाँ ५० पैसामा उपलब्ध हुनेछ। यद्यपि खाना पकाउने एलपी ग्याँसको मूल्य भने समायोजन भएको छैन ।

आयल निगमका अनुसार नेपालमा आयत हुने पेट्रोलियम पदार्थको सत प्रतिशत हिस्सा भारतीय आयल कर्पोरेशनमै निर्भर हुने भएकोले भारतमा हुने पेट्रोलियम पदार्थको मूल्य घटबढले नेपालमा प्रत्यक्ष असर गर्ने गरेको छ ।