पनौतीमा आमाछोरीको मृत्यु प्रकरण : मध्यरातमा गोली चल्यो, प्रहरीविटमा आगजनी, केही घाइते

Best Khabar Team | २०७६ चैत्र ३ गते सोमबार

१६ मार्च, २०२०
बनेपा । काभ्रेको पनौतीमा प्रहरी र स्थानीय बासिन्दाबीच भएको विवादले झडपको रुप लिँदा पनौती तनावग्रस्त बनेको छ । आज दिउँसो पनौतीको मानेश्वरी बसपार्कमा बा ५ ख ५४८० नम्बरको टिपरले ठक्कर दिँदा स्थानीयजनिमाया गोले र उनकी छोरी स्मारिका गोलेको ज्यान गएपछि स्थानीय बासिन्दा आक्रोशित बनेर प्रदर्शनमा उत्रिएका थिए ।

दुबैजनाको उपचारका क्रममा शीर मेमोरियल अस्पताल धुलिखेलमामा निधन भएको हो । ट्रिपरको ठक्करबाट आमाछोरीको ज्यान गएपछि आक्रोशित स्थानीय वासिन्दा प्रदर्शनमा उत्रिएपछि प्रहरी पनि सुरक्षामा लागेको थियो । प्रदर्शनमा उत्रिएका स्थानीयले पनौतीको प्रहरीबीचमा आगजनी गरेका छन् भने गोली लागेर प्रहरी घाइते भएको बताइएको छ ।

यद्यपि यो गोली कसले चलायो भन्ने विषयमा राति अबेर भएकाले कुनै जानकारी प्राप्त हुन सकेको छैन । प्रहरीले लाठीचार्ज तथा केहीसेल अश्रुग्याँस प्रहार समेत गरेको छ । जसबाट तीनजना प्रदर्शनकारी घाइते भएका छन् । राति ११ बजेसम्मपनि प्रदर्शन जारी रहेको बताइएको छ ।

Comment from facebook