सञ्चारमन्त्रीको कार्यकक्षमा अख्तियारको छापा, कागजपत्र सिलबन्दी

Best Khabar Team | २०२६ पुष १७ गते बिहिबार

२० फेब्रुअरी, २०२०
काठमाडौं । अख्तियार दुरुपयोग अनुसन्धान आयोगले काठमाडौंको सिंहदबारस्थित सञ्चार मन्त्रालयमा छापा मारेर सञ्चारमन्त्री गोकुल बास्कोटाको कार्यकक्षमा रहेको कागजपत्रमा शिलबन्दी गरेको छ । सेक्युरिटी प्रेस खरिदसम्बन्धी विवादास्पद अडियो सार्वजनिक भएपछि अख्तियार दुरुपयोग अनुसन्धान आयोगले आज साँझ सिंहदबारस्थित मन्त्री बास्कोटाको कार्यकक्षमा छापा मारेर त्यहाँ रहेका दराज तथा अन्य कागजातमा सिलबन्दी गरेको हो ।

अख्तियार स्रोतका अनुसार करोडौं रुपैयाँ भ्रष्टाचार हुने गरी विवादास्पद समाचार बाहिर आएपछि मन्त्रीको कार्यकक्षमा छापा मारेर त्यहाँ राखेको कागजात सिलबन्दी गरिएको हो । सञ्चारमन्त्री बास्कोटाले राजीनामा दिएपछि अख्तियारको टोली मन्त्रालय पुगेर उनको कार्यकक्षमा रहेको दराजमा रहेका महत्वपूर्ण कागजातमा सिलबन्दी गरेको हो । अख्तियार स्रोतका अनुसार यो घटनाका विषयमा अख्तियारले आफ्नै ढंगले छानबिन प्रक्रिया अघि बढाउने छ ।