विजय गच्छदारसहित १७२ जना विरुद्ध ठगी मुद्दा, पक्राउ गर्न प्रहरीलाई बाटो खुल्यो

Best Khabar Team | २०२६ पुष १७ गते बिहिबार

१६ फेब्रुअरी, २०२०
काठमाडौं । बहुचर्चित बालुवाटारस्थित ललितानिवासको जग्गा प्रकरणमा नेपाल प्रहरीको केन्द्रीय अनुसन्धान व्युरो सिआइबीमा काँग्रेस उपसभापति विजय गच्छदारसहित १७२ जना विरुद्ध ठगी मुद्दा दर्ता भएको छ ।

ठगी र किर्ते गरी सरकारी जग्गा व्यक्तिको नाममा गर्न सहयोग गर्ने गच्छदारसमेत ४ पूर्वमन्त्रीसहित १७२ जना विरुद्ध आज महाराजगञ्जस्थित नेपाल प्रहरीको अनुसन्धान व्युरो (सिआइबी) मा उजुरी परेको हो । यसअघि गृहमन्त्रालयले मुद्दाको जाहेरी तयार गरेको थियो । अब यो मुद्दा दर्ता भएसँगै नेपाल प्रहरीलाई घटनाको विषयमा छानबिनका लागि आरोपीहरुलाई पक्राउ गर्न र आवश्यक अनुसन्धान प्रक्रिया थप अघि बढाउन बाटो खुलेको छ ।

गच्छदारसहितका आरोपीहरु यदि अदालतबाट दोषी ठहर भएको खण्डमा उनीहरुले हिनामिना गरेको रकम असुल उपर गर्न सम्पत्ति जफत तथा १० वर्षसम्मको कैद सजयाँ हुनसक्नेछ । यसअघि अख्तियारले १२ दिन अघि ललिता निवासको जग्गा हिनामिना प्रकरणमा एक भूतपूर्व उपप्रधानमन्त्री, तीन पूर्वमन्त्री र आफ्नै एक पूर्वप्रमुख आयुक्तसहित १७५ जनाविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो ।