१७५ जनाको जम्बो टोली लिएर उड्यो चीनबाट राष्ट्रिय ध्वजाबाहक विमान, ६ जना उतै रोकिए

Best Khabar Team | २०२६ पुष १७ गते बिहिबार

१५ फेब्रुअरी, २०२०
काठमाडौं । अन्तत: २४ दिनपछि चीनमा रोकिएका नेपालीहरु नेपाल फर्केका छन् । राष्ट्रिय ध्वजाबाहक विमानमार्फत् करिब एक घण्टा अघि उनीहरु काठमाडौं फर्केका हुन् । यसरी फर्कने नेपालीहरुमा १ सय ७५ जना नेपालीहरु रहेका छन् । कुल १ सय ८५ जना नेपालीले उद्दारका लागि चीनस्थित नेपाली दुतावासलाई आग्रह गरेको भएपनि ६ जनाको शरीरमा तापक्रम बढी देखिएपछि उनीहरु विमानस्थलमै रोकिएका छन् ।

उनीहरुलाई चिनियाँ टोलीले निगरानीमा राख्ने जनाइएको छ । यस्तै ४ जना भने आफूखुसी नै चीनमा बस्न राजी भएपनि १ सय ७५ जनाको टिम लिएर नेपाल बायुसेवा निगमको विमाग काठमाडौंका लागि उडेको हो । आज दिउँसो ४ बजे कठामाडौं विमानस्थलबाट उडेको सो विमान भोलि बिहान ४ बजे काठमाडौंको त्रिभुवन विमानस्थलमा अवतरण गर्नेछ । यसअघि दिउँसो ३ बजे विमान काठमाडौंबाट उड्ने तयारी भएपनि केही प्राविधिक कारणले १ घण्टा ढिला भएको थियो ।

चीनका विभिन्न शहरमा जम्मा भएका नेपालीहरुलाई दुतावासको पहलमा बसमा राखेर विमानस्थलमा ल्याइएको थियो । उनीहरुलाई भक्तपुरको खरिपाटीस्थित विद्युत् प्राधिकरणको तालिम केन्द्रको भवनमा राखिने छ भने विमानका चालकसहित सहित अन्य सदस्यलाई भने चाँगुनारायण नगरपालिकामा रहेको खानेपानी तालिम केन्द्रमा राखिनेछ।