प्रधानमन्त्रीले प्रतिनिधिसभामा भने : निर्मला पन्तको हत्यारलाई कानुनी कठघरामा उभ्याईन्छ

Best Khabar Team | २०७६ फाल्गुन ३ गते शनिबार

१५ फेब्रुअरी, २०२०
काठमाडौं । प्रधानमन्त्री केपी शर्मा ओलीले कञ्चनपुरमा बलात्कारपछि हत्या गरिएकी निर्मला पन्तको हत्यामा संलग्न दोषीले अब उन्मुक्ति नपाउने दाबी गरेका छन् । उनले आज प्रतिनिधिसभाको बैठकलाई सम्बोधन गर्दै विभिन्न बहानामा निर्मला पन्तको हत्याका उम्किइरहेपनि अब त्यो सम्भव नभएको बताएका हुन् ।

कञ्चनपुरको भिमदत्त नगरपालिकाकी १३ वर्षकी बालिका निर्मला पन्तको २०७५ साउन १० गते बलात्कारपछि हत्या भएकोमा अहिलेसम्म दोषीमाथि कारबाही हुन सकेको छैन । घटनाको चौतर्फी विरोध भएपछि प्रधानमन्त्री ओलीले आज प्रतिनिधिसभाको बैठकलाई विशेष सम्बोधन गर्दै घटनाको सत्यतथ्य बाहिर आउने र दोषी पनि कारबाहीको दायरामा पर्ने बताएका हुन् ।

उनले भने –‘निर्मला हत्याकाण्डका दोषी अब उम्कन संभव छैन, दोषीले कानुनको कठघरामा उभिनै पर्छ,।’ सरकार मुलुकमा शान्ति सुरक्षा मजदुत बनाउन प्रतिबद्ध रहेको भन्दै सबै जनतलाई देशभित्र सुरक्षित छु भन्ने वातावरण बनाउन सरकारले कुनै कसर बाँकी नराख्ने बताए ।