कुबेतमा जमिन भत्किँदा ४ नेपालीको मृत्यु, ३ घाइते (घटनास्थलको भिडियोसहित)

Best Khabar Team | २०७६ फाल्गुन १ गते बिहिबार

१३ फेब्रुअरी, २०२०
कुबेत । कुवेतमा निर्माणाधिनस्थलको जमिन भत्किँदा बालुवाको ढिस्कोले पुरिएर ४ जना नेपालीको ज्यान गएको छ । सो दुर्घटनामा अरु ३ जना नेपाली घाइते भएका छन् । स्थानीय मुत्ला सिटी प्रोजेक्ट नामक परियोजनाको निर्माणस्थलको जमिन एक्कासी भत्किँदा त्यसको तल काम गरिरहेका १० जना मजदुर पुरिएका थिए ।

जसमा ४ जनाको निधन भएको र ३ जनाको भने जिवितै उद्दार गरिएको कुवेती सञ्चारमाध्यमहरुले जनाएका छन् । घटनाको छानबिन गर्न त्यहाँको सरकारले कडा अनुसन्धान अघि बढाएको कुबेतबाट सञ्चालन भएको कुबेत टाइम्स डेल्लीले जनाएको छ । दुर्घटनास्थलमा अरु ३ जना फसिरहेकोले उद्दारको काम भै रहेको बताइएको छ । घाइतेहरुको स्थानीय जाहारा अस्पतालमा उपचार भै रहेको जनाइएको छ । सो दुर्घटनामा ज्यान गुमाउने र घाइते हुने नेपालीको सनाखत हुन सकेको छैन । चिनियाँ निर्माण कम्पनीले सो क्षेत्र निर्माणको जिम्मा लिएको बताइएको छ ।