ललितपुरबाट सुनपसल लुट्ने ३ भारतीय सतुंगलमा समातिए

Best Khabar Team | २०७७ मंशिर १७ गते बुधबार

१२ फेब्रुअरी, २०२०
काठमाडौं । प्रहरीले ललितपुरस्थित एक सुनपसलबाट सुनचाँदीका महत्वपूर्ण गरगहना लुटेर फरार रहेका तीनजनालाई आज पक्राउ गरेको छ । ललितपुरमा रहेको एक सुनचाँदी पसलबाट केहीदिनअघि उनीहरुले रातिको समयमा पसल फुटाएर त्यहाँ रहेका सुनचाँदीका गरगरहना लुटेका थिए ।

करोडौं मूल्य बराबरको सुनचाँदीका गहना लुटिएपछि प्रहरीले घटनामा संलग्नको खोजी कार्य तीब्र बनाएकै बेला उनीहरु आज पक्राउ परेका हुन् । प्रहरीले भारतको मोतिहारी घर भएका ३ जना भारतीयलाई काठमाडौंको सतुंगलबाट पक्रेको जनाएको छ । उनीहरुको समुहमा रहेका अन्यको खोजी कार्य तीब्र बनाएको भन्दै प्रहरीले उनीहरुको नाम तथा उनीहरुलाई छिट्टै पत्रकारसम्मेलन गरी सार्वजनिक गर्ने तयारी गरेको छ ।

ललितपुरमा रहेको सुनचाँदी पसल चोरी गरेर उनीहरु थानकोटबाट बाहिरिने क्रममा सतुंगलबाट समातिएका हुन् । पक्राउ परेकाहरुका साथबाट प्रहरीले सुन र चाँदीका विभिन्न गरगहना र केही थान मोबाइलसमेत बरामद गरेको छ ।