विश्वभर २३ देशमा भेटिए कोरोना संक्रमित (तथ्यांकसहित)

Best Khabar Team | २०७६ माघ १७ गते शुक्रबार

३१ जनवरी, २०२०
एजेन्सी । चीनको बुहान प्रान्तबाट फैलिएको कोरोना भाइरसका कारणहालसम्म विश्वका करिब २ दर्जन देशमा संक्रमितहरु भेटिएका छन् । चीनमा कोरोनाको संक्रमणमा परि शुक्रबार रातिसम्म २ सय १३ जनाले ज्यान गुमाईसकेका छन् भने करिब ९ हजार संक्रमित देखिएका छन् । चीनका अलावा, नेपाल, भारत, फिलिफिन्स, जापान, क्यानेडा, अमेरिका, फ्रान्स, थाइल्याण्डलगायत २३ देशमा यो रोगको संक्रमितहरु भेटिएका छन् । यही रोगको प्रकोप फैलिएपछि विश्व स्वास्थ्य संगठनले विश्वव्यापी रुपमा अपतकालको घोषणा समेत गरेको छ ।

यो रोगका कारण हालसम्म ताइवान ९ जना, मलेसियामा ८जना, मकाउ, फ्रान्स तथा अमेरिका ६/६ जना संक्रमित भेटिएका छन् । यस्तै, जर्मनी तथा भियतनाममा ५ / ५ जना संक्रमित भेटिएका छन् । युरोपेली मुलुक जर्मनीमा ५, संयुक्त अरव इमिरेट्समा ४ जना, क्यानेडामा ३ जना, बेलायतमा २ जना र इटलीमा २ जना संक्रमित भेटिएका छन् । यस्तै, चीनसँग सिमाना जोडिएको भारत तथा नेपालमा १ / १ जना संक्रमित भेटिएका छन् ।

विश्व स्वास्थ्य संगठनका अनुसार युरोपेली मुलुक फिनल्याण्डमा १ र कम्बोडियामा १ जना संक्रमित फेला परेका छन् । यस्तै, एसियाली मुलुक श्रीलंकामा १ जापानमा, १४, थाइल्याण्डमा १४, सिंगापुरमा १३, हङ्गकङ्गमा १२, दक्षिण कोरियामा ११ जना संक्रमित फेला परिसकेका छन् । यस्तै अष्ट्रेलियामा कोरोना संक्रमित ९ जनाको स्थानीय अस्पतालमा उपचार भै रहेको छ । विश्वभर यो रोगबाट प्रभावितहरुको संख्या बढेपछि आजै विश्वस्वास्थ्य संगठनले विश्वव्यापी रुपमा संकटकालको घोषणा गरेको छ ।